Brunngata 16

Brunngata 16 Ísafirði
 
Einbýlishús á þremur hæðum (tvær hæðir auk kjallara) ásamt bílskúr. Húsið er staðsett rétt við miðbæ Ísafjarðarbæjar. Húsið er skráð 152,7 m² og bílskúrinn 32,7 m² skv. opinberu fasteignayfirliti. Húsið er timburhús og er skráð byggt árið 1881. Húsið er klætt að utan og á lóðinni er ágætt bílastæði fyrir framan bílskúrinn.
 
Nánari lýsing eignarinnar:
 
Jarðhæð: (skráð 55,6 m²)
Komið er inn í flísalagða forstofu með skáp. Hiti er í gólfi í forstofunni. Stofa og borðstofa eru parketlagðar. Eldhús er með plastparketi á gólfi, viðarlitaðri innréttingu og hvítum borðplötum. Á hæðinni er flísalagt baðherbergi með sturtu, hiti í gólfi. Hringstigi er upp á efri hæð hússins.
 
Efri hæð: (skráð 49,2 m²)
Hol fyrir ofan hringstigann er parketlagt. Herbergin á hæðinni eru fjögur. Hjónaherbergi og tvö önnur eru parketlögð, en minnsta herbergið er með dúk á gólfi. Baðherbergi á efri hæð er panelklætt með dúk á gólfi, baðkari og vaskinnréttingu. Yfir hluta efri hæðar er svo panelklætt risloft sem nýtist sem geymsla.
 
Kjallari: (skráð 47,9 m²)
Aðgengi í kjallara er með hlera úr holi á jarðhæð. Þar er stórt  rými og inn af því þvottarými og herbergi sem nýta má sem vinnuherbergi eða geymslu. Hurð er úr kjallara út á baklóð eignarinnar.
 
Bílskúr:
Bílskúrinn er frístandandi á lóðinni og er hann skráður 32,7 m². Bílskúrinn er steyptur og með steyptu gólfi. Bílskúrshurðin er með rafmagnsopnara og gönguhurð.
 
Hér er um að ræða eldri eign á frábærum stað í hjarta Ísafjarðarbæjar. Eitt af þessum húsum sem hefur sett svip sinn á bæjarmyndina í gegnum árin. Húsið er autt og getur því verið afhent strax við kaupsamning.


Nánari upplýsingar um eignina veitir:
Rúnar Örn Rafnsson, löggiltur fasteignasali
Fasteignasalan Grafarvogi
S: 771-5600
runar@fastgraf.is