Skagfirðingabraut 39

Skagfirðingabraut 39, Sauðárkróki – björt og rúmgóð fjögurra herbergja íbúð með sérinngangi og verönd

Domus Fasteignasala kynnir 120,5 m² fjögurra herbergja íbúð á neðri hæð við Skagfirðingabraut 39 á Sauðárkróki. Eignin er með sérinngangi, þremur svefnherbergjum, rúmgóðri stofu og borðstofu, sérþvottahúsi og geymslu innan íbúðar. Úr stofu er gengið út á verönd framan við húsið og þaðan er horft yfir að íþróttasvæðinu og grónum hlíðum.

Smelltu hér til að sjá kynningarmyndband um eignina: 
Smelltu hér til að skoða þrívíddarmyndband af eigninni:

Íbúðin býður upp á þægilegt skipulag með góðri aðgreiningu milli svefnherbergja og helstu samverurýma. Stórir stofugluggar veita góða náttúrulega birtu og nálægð við íþróttasvæði, sundlaug og útivist setur skemmtilegan svip á staðsetninguna.

Samkvæmt fasteignaskrá er eignin 120,5 m², byggingarár hússins er 1958 og byggingarefni steypa. Húsið stendur á 672 m² lóð.

Helstu kostir eignarinnar:

- Sérinngangur á neðri hæð.
- Þrjú svefnherbergi.
- Björt og rúmgóð stofa og borðstofa.
- Útgengi úr stofu á verönd.
- Eldhús með góðu skápa- og vinnuplássi og aðstöðu fyrir eldhúsborð.
- Sérþvottahús og geymsla innan íbúðar.
- Íþróttasvæði, sundlaug og útivist í næsta nágrenni.

Nánari lýsing

Forstofa og gangur: Gengið er um sérinngang inn í flísalagða forstofu með fataskáp. Þaðan er komið inn á rúmgóðan gang sem tengir saman rými íbúðarinnar. Frá ganginum er opið að eldhúsi og gengið inn í stofu, svefnherbergi, baðherbergi og geymslu.

Eldhús: Eldhúsið er með hvítri innréttingu, dökkum borðplötum og góðu skápa- og skúffuplássi. Þar er helluborð, ofn í vinnuhæð og aðstaða fyrir uppþvottavél. Gluggi er yfir vaski og við eldhúsið er borðkrókur sem hentar vel til daglegra máltíða. Flísar eru á gólfi og hluta veggja.

Stofa og borðstofa: Stofa og borðstofa mynda bjart og rúmgott samverurými með plássi fyrir bæði sófasvæði og borðstofuborð. Gluggar á tvo vegu hleypa inn góðri birtu og ljós gólfefni gefa rýminu hlýlegt yfirbragð. Á hluta veggjar er rimlaklæðning með vegglýsingu. Úr stofunni er gengið út á verönd framan við húsið.

Svefnherbergi: Svefnherbergin eru þrjú og liggja við gang innar í íbúðinni. Hjónaherbergið er rúmgott og með fataskápum. Hin tvö herbergin nýtast vel sem barna-, gesta- eða vinnuherbergi og er innbyggður fataskápur í öðru þeirra. Ljós gólfefni eru í öllum svefnherbergjum.

Baðherbergi: Baðherbergið er með baðkari og sturtuaðstöðu, upphengdu salerni, handlaug í skúffuinnréttingu, speglaskáp og handklæðaofni. Opnanlegur gluggi er á baðherberginu. Flísar eru á gólfi og hluta veggja; frágangi á hluta veggflata er ólokið.

Þvottahús og geymsla: Sérþvottahús er innan íbúðar og er gengið inn í það úr eldhúsi. Að auki er geymsla með aðgengi frá gangi.

Verönd og umhverfi: Framan við stofuna er verönd með glerhandriði og skjólveggjum til hliðanna, þar sem hægt er að koma fyrir útihúsgögnum. Grasflöt er framan við húsið og bílastæði á aðkomusvæði þess. Íþróttavöllurinn er handan götunnar og stutt er í sundlaug og útivist í nágrenninu.

Björt og rúmgóð íbúð með þremur svefnherbergjum, sérinngangi og þægilegum samverurýmum á góðum stað fyrir þá sem vilja hafa íþróttir og útivist nærri heimilinu.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.