Geitland 10

OPIÐ HÚS LAUGARDAGINN 15. MARS 2025 KL. 13:00 - 13:30.

Valborg fasteignasala og Þyrí Guðjónsdóttir, löggiltur fasteignasali kynna vel staðsetta og bjarta 4ra herbergja íbúð á 2. hæð við Geitland 10, 108 Reykjavík með fallegu útsýni yfir Fossvogsdalinn og til fjalla. Góð eign á eftirsóttum stað með suðursvölum. 

Nánari Lýsing:
Forstofa:  Opið anddyri með harðparketi á gólfi. Fatahengi. 
Eldhús:  Nýleg hvít háglans eldhúsinnrétting með miklu skápaplássi og skúffum. Ný eldavél með spanhellum. Hvítar flísar á milli eldhússkápa. Sérsmíðuð eyja með stóru eldhús/borðstofuborði með hirslum beggja vegna. Opið rými sem tengir eldhús/stofu/borðstofu saman með fallegu útsýni úr stórum suðurgluggum. Harðparket á gólfi.
Þvottahús/búr:  Inn af eldhúsi er þvottahús/búr með útgengi út á svalir.
Stofa/borðstofa:  Opin og björt stofa með stórum gluggum og útgengi út á stórar svalir í suður. Fordæmi er fyrir yfirbyggingu á svölum í húsinu. Harðparket á gólfi.
Barnaherbergi 1:  Herbergi með fataskáp og harðparket á gólfi.
Barnaherbergi 2:  Herbergi með harðparketi á gólfi.
Hjónaherbergi: Í hjónaherbergi er góður fataskápur án hurða og harðparket á gólfi. 
Baðherbergi:  Flísalagðir veggir og gólf með upphaflegum flísum á veggjum. Frístandandi vaskur og hillur með spegli við, baðkar með sturtuaðstöðu.
Innréttingar og gólfefni: Innrétting í eldhúsi er nýleg. Gólfefni íbúðarinar er nýlegt harðparket. Hurðar eru upphaflegar úr eik, en eru hvítmálaðar.
Geymsla: Geymsla tilheyrir íbúðinni 5,5 m² og er hún ekki inni í skráðri fermetratölu. Hún er staðsett í kjallara. Tveir skápar út á stigagangi sem tilheyra íbúðinni, gott geymslupláss.
Sameign:  Mjög snyrtileg sameign. Sameiginleg hjólageymsla og sorpgeymsla. 
Lóð:   Lóðin er stór og gróin. Næg bílastæði eru fyrir framan hús.

Nánasta umhverfi:  Göngufæri er í leik- og grunnskóla, íþróttasvæði, í verslunarmiðstöðina Grímsbæ og í kirkju.
Fallegir göngu- og hjólastígar um Fossvogsdalinn.

Framkvæmdir:
Húsinu hefur verið vel viðhaldið undanfarin ár. Drenlögn ofan húss var lögð árið 2004. Gluggar og svalahurðir á suðurhlið hússins voru endurnýjaðir árið 2008. Þakjárn, rennur og niðurfallsrör voru endurnýjuð árið 2009. Frárennslislagnir voru endurnýjaðar árið 2011(undir húsi og út í götu). Gluggar í stigagangi voru endurnýjaðir árið 2013 og komið var upp eldvarnarhurðum í íbúðum á sama tíma. Árið 2022 var farið í múrviðgerðir og málað. Einnig voru kaldavatnslagnir í kjallara endurnýjaðar. Farið var í loftstokkahreinsun og þétt meðfram túðum á þaki árið 2023.

Samkvæmt Þjóðskrá Íslands er birt flatarmál eignarinnar 88,70 m².
Innra skipulag eignarinnar hefur verið breytt frá upphaflegum teikningum. 

Nánari upplýsingar veitir Þyrí Guðjónsdóttir, viðskiptafræðingur - löggiltur fasteignasali, í síma
891 9867 eða thyri@valborgfs.is.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.  Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.