Ásvallagata 44

Betri Stofan fasteignasala og Þórir Skarphéðinsson lögmaður og lgfs, sími 844-9591 - thorir@betristofan.is, kynna Ásvallagötu 44.

Björt og vel skipulögð fimm herbergja íbúð á fyrstu hæð í 4-býlishúsi á eftirsóttum stað í Vesturbænum. Sér inngangur. Eignin er alls 139,3 fm, þar af 27,9 fm bílskúr. 

Nánari lýsing:
Komið er inn á flísalagða forstofu með fataskáp. Þaðan er gengið inn á gang sem tengir við aðrar vistarverur íbúðarinnar. Stofa og borðstofa í sérlega björtu og fallegu alrými með útskotsglugga, gengið út á svalir frá stofum. Eldhús er rúmgott með borðkrók, snyrtileg eldhúsinnrétting. Baðherbergi er endurnýjað með glugga, baðkar með sturtuaðstöðu, handklæðaofn, flísar á gólfi og veggjum. Þrjú svefnherbergi eru í íbúðinni, rúmgott hjónaherbergi með fataskápum og tvö barnaherbergi, annað þeirra rúmgott. Gólfefni eru uppgerður linoleum-dúkur og flísar. 
Góður 27,9 fm bílskúr fylgir eigninni, heitt og kalt vatn. Sérinnkeyrsla að bílskúr rúmar allt að fjóra bíla. 
Í sameign er rúmgóð sérgeymsla með glugga, sérgeymsluskápur og sameiginlegt þvottahús og þurrkherbergi. 
 
Framkvæmdir og viðhald - sameign
- Gólf í þvottahúsi og þurrkherbergi málað 2026.
- Endurnýjaðar frárennslis- og drenlagnir úti og inni undir plötu haustið 2025.
- Árið 2013 fóru fram miklar viðgerðir á húsinu, skv. tilboðsgögnum var m.a. þakjárn, pappi og þakrennur endurnýjaðar og sérstaklega hugað að loftun, vindskeið endurnýjuð, glerlistar endurnýjaðir og glugga- og hurðakarmar endurmálaðir, niðurfallsrör endurnýjuð, veggir háþrýstiþvegnir og sílanbaðaðir, sprungur vatnsþéttar og kíttisopfylling endurnýjuð. 
 
Framkvæmdir og viðhald - séreign 
- Andlitslyfting á eldhúsi 2021 (nýjar gólfflísar, tréplötur í borðkrók).
- Grindverk í innkeyrslu lagað og innkeyrsla malbikuð upp á nýtt að hluta 2020.
- Baðherbergi endurnýjað að mestu 2011.
- Nýjar raflagnir dregnar í 2003 og skipt um flesta rofa og tengla.
- Öll gerefti og gólflistar pússaðir upp og lakkaðir 2003. 
 
Fyrirhugað/komið á tíma í sameign
- Fá tilboð í lagnavinnu í útveggjum á baðherbergjum með tilheyrandi raski innanhúss, samhljómur um að fara fljótt í það mál.
- Ganga frá hellum fyrir framan og aftan hús og tyrfa garð eftir drenframkvæmdir haustið 2025, samhljómur um að fara fljótt í það mál.
- Mála þak.
- Laga þá glugga sem þarf.
- Skipta um rafmagnstöflu, verið að leita tilboða en tímasetning liggur ekki fyrir. 

Falleg sérhæð á eftirsóttum stað í gamla Vesturbænum. Stutt í leikskóla, skóla, sundlaug, kaffihús, verslanir og helstu þjónustu.

Nánari upplýsingar veitir Þórir Skarphéðinsson lögmaður og lgfs, í síma 8449591, tölvupóstur thorir@betristofan.is.