Síðumúli 39

Frá afhendingu hússins hafa komið upp margvíslegir gallar sem húsfélagið telur byggingaraðila bera ábyrgð á, m.a. ítrekaðir lekar / rakaskemmdir, galli á rafmagnstöflu auk þess sem flætt hefur inn í íbúð á jarðhæð o.fl. Á húsfundi 26.4.2023 var rætt um galla á rafmagnstöflu og í kjölfarið var haft samband við HMS sem létu framkvæma úttekt á töflunni. Í ljós kom að frágangi var verulega ábótavant, sjá meðfylgjandi skýrslu frá Frumherja. HMS krafði rafvirkjameistara sem er ábyrgur fyrir töflunni í kjölfarið um úrbætur á töflunni. Þörf er á annarri úttekt til að fá úr því skorið hvort fullnægjandi úrbætur hafi verið unnar. Í febrúar 2024 skilaði verktakinn MT Ísland skýrslu um ástand hússins eftir skoðun á því og er hún meðfylgjandi. Þá skilaði sami verktaki skýrslu 29.4.2024 í tengslum við viðgerðir vegna mikils leka í íbúð 304. Á aðalfundi 2024 var stjórn veitt heimild til að ráða lögmann til að skoða ábyrgð byggingaraðila / seljanda hússin vegna þess að frágangi hússins var ábótavant við afhendingu þess og. Lögmaður húsfélagsins hóf þegar vinnslu málsins og hefur verið í viðræðum við seljanda hússins og lögmann hans vegna þess. Á húsfundi 8.10.2024 var samþykkt tillaga um að höfða dómsmál gegn byggingaraðila hússins og var samþykkið ítrekað á húsfundi 10.12.2024. Fyrsta skref er að fara fram á dómkvaðningu matsmanns til að meta umfang galla á húsinu og vinnur lögmaður nú að matsbeiðni sem verður lögð fyrir héraðsdóm. Á fundinum var jafnframt samþykkt aukainnheimta á eigendur eftir þörfum vegna kostnaðar við málshöfðunina. Farið er yfir marga þætti sem hefur verið ábótavant á fundum húsfélagsins á árunum 2023 - 2025, sem og í úttektarskýrslum sem eru meðfylgjandi yfirlýsingu þessari.