Geislagata 10 íbúð 203

Geislagata 10 íbúð 203 - Mikið uppgerð 3ja herbergja íbúð í vestur enda á 2. hæð í virðulegu húsi í miðbæ Akureyrar - stærð 64,8 m²
Eignin getur verið laus til afhendingar við kaupsamning og innbú að undanskildum nokkrum munum getur selst með.  

Eignin skiptist í forstofu, eldhús og stofu í opnu rými, tvö svefnherbergi og baðherbergi. 
Eignin á hlutdeild í sameiginlegri geymslu með íbúð 201 og þar er tengi fyrir þvottavél.

Forstofa, nýtt harð parket á gólfi, hengi og grár sprautulakkaður skápur. 
Eldhús, ný svarbrún innrétting með ljósri bekkplötu. Uppþvottavél er innfelld í innréttingu og fylgir með við sölu eignar. Span helluborð, vandaður ofn með sjálfhreinsikerfi, örbylgjuofn og vifta blæs út.
Stofa og eldhús eru í opnu rými með nýju harð parketi á gólfi, gluggum til tveggja átta og hurð út á sólríkar suður svalir.
Svefnherbergin eru tvö, bæði með nýju harð parketi á gólfi og í öðru er grár sprautulakkaður fataskápur. Rúmin í herbergjunum eru 160 cm og 180 cm, auk þeirra er nýr svefnsófi í stofunni.
Baðherbergi er flísalagt bæði gólf og veggir, viðar innrétting og svartur skápur, upphengt wc, sturta og opnanlegur gluggi. 

Af stigapallinum við aðalinngang hússins er gengið inn í geymslu (merkt 205) sem er séreign íbúðar 201 og 203. Þar er tengi fyrir þvottavél.  Á jarðhæðinni undir stigapalli er geymsla (merkt 102) sem er í sameign með íbúðum á 2. og 3ju hæð hússins.

Hér er um að ræða virkilega skemmtilega eign í miðbæ Akureyrar í húsi sem byggt árið 1925 og endurgert árið 1995.