Borgarhlíð 2d

Fasteignasalan Hvammur  -  466-1600 - kaupa@kaupa.is

Borgarhlíð 2d, 603 Akureyri - Snyrtileg 5 herbergja raðhúsaíbúð á tveimur hæðum með sambyggðum bílskúr á vinsælum stað í Þorpinu. Stutt er í leik- og grunnskóla ásamt íþróttasvæði Þórs. Heildarstærð eignar er 155,3 m² en þar af telur bílskúrinn 25,1 m².

Íbúðin skiptist með eftirfarandi hætti:
Neðri hæð: forstofa, hol, snyrting, tvö svefnherbergi, geymsla og bílskúr þar sem tengt er fyrir þvottavél og þurrkara.
Efri hæð: eldhús, stofa, baðherbergi, hjónaherbergi og sjónvarpshol sem áður var fjórða svefnherbergið. 

Neðri hæð - nánari lýsing:
Forstofa er rúmgóð með flísum á gólfi. Hluti af forstofunni var áður þvottahús og hefur forstofan því verið stækkuð 
Hol er með flísum á gólfi og úr holinu er flísalagðu járnstigi upp á efri hæð.  Af holinu er einnig útgangur í garð til vesturs. 
Snyrting er með flísum og gólfi ásamt nettum ljósum vaskaskáp.
Svefnherbergin eru tvö á neðri hæðinni og eru bæði með parketi á gólfi og fataskápum.
Geymsla er innaf bílskúr og þar er vinyl parket á gólfi og hillur á veggjum.
Bílskúr er skráður 25,1 m² að stærð og innangengt í hann úr holi í gegnum geymslu. Þar er vinylparket gólfi, hillur og tengi fyrir þvottavél. Í bílskúr er nýleg innkeyrsluhurð með inngönguhurð. 

Efri hæð - nánari lýsing:
Eldhús var endurnýjað árið 2008. Þar er vönduð sérsmíðuð spónlögð kirsuberja innrétting með innfelldum ísskáp og uppþvottavél, og gas eldavél. Gott skápapláss er í eldhúsinu. 
Stofa er með parketi á gólfi og þar eru loftin tekin upp.  Árið 2008 var opnað á milli eldhúss og stofu og innfelld lýsing sett í loft bæði í stofu og eldhúsi. Úr stofu er útgengt á rúmgóðar svalir sem snúa til vesturs. 
Baðherbergi er upprunalegt og þar er bæði baðkar og sturta, flísar á gólfum og hluta veggja.   
Svefnherbergi (hjónaherbergi) er með parketi á gólfi og rúmgóðum spónlögðum kirsuberja fataskáp með rennihurðum.
Sjónvarpshol er með parketi á gólfi og þar var áður fjórða svefnherbergið og mögulegt er að breyta því aftur í svefnherbergi.  
Garðurinn er snyrtilegur vestan við húsið, rúmgóð timburverönd og gróðurbeð (ekkert gras til að slá).

Annað:
- Skemmtileg staðsetning og stutt í ýmsa þjónustu s.s. grunnskóla, leikskóla, háskólann og heilsugæslu.
- Útidyrahurðastykki og bílskúrshurð voru endurnýjuð árið 2021
- Hitaþráður er í þakrennum. 
- Ljósleiðari er kominn inn og tengdur.
- Fyrirhugað er að endurnýja þak sumarið 2026.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.