Beykilundur 4

Fasteignasala Akureyrar s. 773-5100 - bókið skoðun, við lokum aldrei!
Hefur þig dreymt um að eignast einstaka og vandaða eign í einu eftirsóttasta hverfi bæjarins? Þá gæti þetta fallega hús verið draumaheimilið.
Húsið var hannað af arkitektinum Kjartani Sveinssyni og byggt af Hólmsteini Snædal húsasmíðameistara, þar sem vandað handverk og fagmennska ráða ríkjum í hverju smáatriði. Hér er ekkert fjöldaframleitt – allar innréttingar, innihurðir, karmar og eru sérsmíðuð úr gegnheilum við af einstakri natni og smekkvísi.
Um er að ræða eitt fallegasta og glæsilegasta hús bæjarins þar sem rými, birta og hlýlegt yfirbragð mynda einstaka heild. Húsið býður jafnframt upp á mikla möguleika til breytinga og fjölbreyttrar nýtingar rýma.
Garðurinn er sannkölluð paradís og hefur hlotið viðurkenningar fyrir alúð og framúrskarandi umhirðu. Þar nýtur hvert smáatriði sín, hvort sem um ræðir fallega göngustíga, skjólgóð útisvæði eða hið heillandi garðhús/tehús sem setur sérstakan svip á umhverfið. Klöpp við húsið fellur einstaklega vel inn í landslagið og skapar náttúrulega og fallega heildarmynd.
Framan við húsið tekur á móti gestum flísalögð stétt og rúmgóð forstofa með fallegum flísum á gólfi. Úr björtu miðrými með parketi er gengið út á steypta og flísalagða verönd með tengingu við fallega garðinn og göngustíga um lóðina.
Eldhúsið er hlýlegt og vandað með sérsmíðaðri innréttingu, parketi á gólfi, ofni og keramikhelluborði.
Stofur hússins eru einstaklega glæsilegar og skiptast í setustofu, borðstofu og dagstofu. Þar er gegnheilt eikarparket á gólfum og stórir gluggar sem flæða rýmin með náttúrulegri birtu.
Svefnherbergin eru þrjú, öll með fataskápum, parketi á tveimur herbergjum og korki á einu.
Baðherbergið er flísalagt í hólf og gólf með ljósum flísum og útbúið sturtu, handlaug og salerni.
Þvottahúsið er rúmgott með sérinngangi, flísum á gólfi og snyrtilegri innréttingu.
Tvöfaldur bílskúrinn hefur verið nýttur sem verkstæði en hentar einnig afar vel sem bílskúr. Þar er bæði snyrting og sturta. Aftan við bílskúrinn hefur verið útbúið stórt yfirbyggt útisvæði sem nýtist vel sem geymslu- eða vinnurými, auk rúmgóðrar geymslu undir tröppum.
Þetta er einstök eign þar sem gæði, handverk, arkitektúr og fallegt umhverfi mynda sjaldgæfa og heillandi heild.