Súlunes 3

Glæsileg og vel skipulögð efri sérhæð á Arnarnesi
Tinna Bryde löggiltur fasteignasali og Háborg fasteignasala kynna glæsilega 204,5 fm efri sérhæð með sérinngangi, sérgarði og bílskúr við Súlunes 3 í Garðabæ. Eignin er staðsett í grónu og eftirsóttu hverfi á Arnarnesi og býður upp á rúmgott og bjart alrými, fjögur svefnherbergi, tvö baðherbergi, sérþvottahús, glæsilega garðstofu og skjólgóða verönd til suðurs með heitum potti. 

-  Efri sérhæð með sérinngangi
-  Fjögur herbergi, þar af er hjónaherbergi með sérbaðherbergi
-  Bílskúr, heitur pottur, gólfhiti í hluta eignarinna og þrífasa rafmagni

Nánari upplýsingar um eignina veitir Tinna Bryde löggiltur fasteignasali í síma 660-5532 eða á tinna@haborg.is.

Eignin er skráð 204,5 fm samkvæmt HMS, þar af íbúð 177,3 fm, sérgeymsla 7,7 fm og bílskúr 19,5 fm. Húsið var byggt árið 1983.
Nánari lýsing:
Komið er inn um sérinngang í rúmgóða forstofu með fataskápum.
Frá forstofu tekur við bjart og opið alrými þar sem eldhús, borðstofa og stofa mynda hjarta heimilisins. Eldhúsið er með hvítri innréttingu, rúmgóðri eyju með steinborðplötu og miklu vinnu- og skápaplássi.
Frá stofunni er gengið inn í glæsilega garðstofu með frönskum gluggum á þrjá vegu sem hleypa inn góðri dagsbirtu og skapa fallega tengingu við veröndina og útisvæðið. Þaðan er útgengt á verönd með palli og heitum potti. 
Hjónaherbergi er rúmgott og með sérbaðherbergi sem er flísalagt og búið walk-in sturtu, innbyggðum blöndunartækjum, handlaug, salerni og handklæðaofni.
Herbergi II er rúmgott, með parketi á gólfi og gluggum á tvo vegu sem veita rýminu fallega birtu.
Herbergi III er með parketi á gólfi og glugga.
Herbergi IV er með parketi á gólfi og glugga. 
Aðalbaðherbergi er flísalagt og búið walk-in sturtu, frístandandi baðkari, dökkri innréttingu með steinborðplötu, innbyggðum blöndunartækjum, handlaug, salerni og glugga sem veitir náttúrulega dagsbirtu.
Þvottahús er flísalagt, með innréttingu, vaski og útgengi á verönd.
Sérgeymsla fylgir á jarðhæð, auk 19,5 fm bílskúrs og sér bílastæðis.
Gólfhiti er í eigninni og hún er hituð með hitaveitu. Rafmagn er þrífasa.
Sér afnotareitur fylgir eigninni með rúmgóðri verönd til suðurs og heitum potti.
Staðsetning:
Súlunes er róleg og eftirsótt gata á Arnarnesi í Garðabæ þar sem stutt er í leikskóla, grunnskóla, verslun, þjónustu og falleg útivistarsvæði. Arnarnesið er þekkt fyrir gróið umhverfi sitt, fallegar gönguleiðir meðfram sjónum og fjölskylduvænt samfélag.

Nánari upplýsingar um eignina veitir Tinna Bryde löggiltur fasteignasali í síma 660-5532 eða á tinna@haborg.is.

Gjöld sem kaupandi þarf að standa straum af vegna kaupanna: Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal. Lántökugjald lánastofnunar. Um lántökugjald vísast í gjaldskrá viðkomandi lánveitanda. Umsýsluþóknun fasteignasölu skv. gjaldskrá.