Mýrarkot 0

Domusnova fasteignasala og Sverrir Sigurjónsson, lögmaður og  löggiltur fasteignasali kynna afar fallegt 117 m² sumarhús í skipulögðu sumarhúsahverfi ásamt 19.10 m² geymsluskúr/gestahúsi og 8800 m² eignarlóð.
Um er að ræða timburhús á steyptum sökkli og steyptri gólfplötu með hitalögnum í gólfi. Klætt að utan með lituðu bárujárni og timbri. Sumarhúsið var byggt 2016 en geymsluskúrinn 2003.

Heitt vatn er í sumarhúsinu.

Eignin skiptist í Eldhús, stofu, tvö svefnherbergi, sjónvarpshol, baðherbergi, 22.2 m² svefnloft og geymsluskúr/gestahús sem er einangrað og plastað að innan en án veggjaklæðningar

Nánari lýsing
Forstofa er flísalögð með fataskáp.
Stofa er opin við eldhús með stórum gluggum og uppteknu lofti. Útgengt er út á stóran sólpall sem umlykur sumarhúsið.
Eldhús er með uppteknu lofti, rúmgóðri fallegri dökkri innréttingu með eikarborðplötu, upphengdum skápum, bakarofni í vinnuhæð og eyju með gashelluborði.
Baðherbergi er flísalagt með fallegri innréttingu, upphengdum speglaskáp, upphengdu salerni, tengi fyrir þvottavél og þurrkara og sturtuaðstöðu. Útgengt er út á sólpall af baðherbergi.
Svefnherbergi I er rúmgott með fataskáp.
Svefnherbergi II er rúmgott með fataskáp.
Samkvæmt teikningu eru þrjú herbergi í sumarhúsinu en þriðja rýmið er nýtt sem sjónvarpshol en auðvelt er að breyta því aftur í herbergi.
Timburstigi með eikarþrepum liggur upp á efri hæð þar sem staðsett er svefnloft sem er skráð 22.2 m². Rýmið er stórt opið rými með tveimur þakgluggum auk glugga á stöfnum. Geymslur eru undir súð. 
Gólfefni: Vandað harðparket er á öllu húsinu nema baðherbergi þar eru flísar.

Geymsla/gestahús sem stendur rétt við húsið á timburstaurum. Að utan er það klætt með liggjandi timburklæðningu og er bárujárn á þaki. Geymslan er óinnréttuð.

Heitt vatn er á svæði og er það um 40.C°.

Einnig er hægt að festa kaup á rúmlega 11 hektara samliggjandi land sem er skráð sem ræktunarland.  Landið er afgirt, með brynningu fyrir hross og hestagerði. Möguleiki er á að kaupa þessa skika sér. Verð hússins í auglýsingu er án aðliggjandi lands.


Nánari upplýsingar veitir:
Sverrir Sigurjónson, lögmaður og  löggiltur fasteignasali / s.662-4422 / sverrir@domusnova.is



Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.