Kirkjuteigur- Tvær íbúðir SELD 5

Eignin er seld - opna húsið fellur niður í dag 8.6.2022
Kirkjuteigur 5. Tvær íbúðir. Góðar leigutekjur!
 
Til sölu 93,9 fm. íbúð að Kirkjuteig 5. Búið er að skipta íbúðinni upp í tvær tveggja herbergja íbúðir sem báðar eru í útleigu. Íbúðirnar hafa verið endurnýjaðar að talsverðu leyti.
Gengið er inn í báðar íbúðirnar í kjallara hússins, en þar er einnig sameiginlegt þvottahús. Stór grasgróin lóð er í kringum húsið. Næg bílastæði við götu. 
 
Skipting eignar: Íbúð 001: Anddyri, baðherbergi, eldhús, stofa, svefnherbergi, geymsla undir stiga. Íbúð 002: Anddyri, geymsla upp stiga, eldhús, gangur, baðherbergi, geymsla, svefnherbergi, stofa.

Nánari lýsing:
Íbúð 001 skiptist í forstofu/hol með parket á gólfi og skáp. Baðherbergi með flísum á gólfi og nýlegri innréttingu. Eldhús með nýlegri eldhúsinnréttingu og dúk á gólfi. Stofa með harðparketi og svefnherbergi með harðparketi. 
Íbúð 002 skiptist í forstofu,  eldhús með eldri innréttingu, baðherbergi með flísum á gólfi og nýlegri baðinnréttingu, lítið svefnherbergi, og stofu. Rúmgóð geymsla er inn af baðherbergi og önnur lítil geymsla er við forstofu. Nýtt harðparket er á íbúðinni.
Gólfefni: parket, dúkur og flísar.

Kirkjuteigur 5 er fimm íbúða fjölbýlishús á tveimur hæðum auk kjallara. Húsið hefur fengið gott viðhald í gegnum tíðina að sögn eiganda. Árið 2014 var skólp endurnýjað og drenað í kringum húsið að sögn eiganda. Húsið er klætt með bárujárnsklæðningu. Þak og gluggar eiga að vera í ágætu ásigkomulagi eftir því sem seljandi best veit. Húsfélagið hefur samþykkt að gluggarnir verði málaðir í sumar.
 
Lóð hússins er stór og möguleiki er á að selja hluta hennar undir byggingu nýrrar fasteignar. Borist hefur tilboð þess efnis og hafa viðræður verið í gangi. Nánari upplýsingar um þetta má fá hjá fasteignasölu.Tvær íbúðir – Góðar leigutekjur.