Funafold 6

Nýtt á skrá!  Funafold 6 Reykjavík - Falleg neðri hæð í tvíbýli með verönd og bílskúr.

Lind fasteignasala / Heimir Hallgrímsson lögg. fasteignasali kynna til sölu virkilega fallega og nokkuð endurnýjaða 146,5 fermetra (þar af 26,5 fermetra bílskúr) 3-4ra herbergja neðri sérhæð með sérinngangi í fallegu og vel viðhöldnu tvíbýlishúsi við Funafold 6 í Grafarvogi. 

Eignin hefur fengið gott viðhald í gegnum árin. M.a. var húsið múrviðgert og málað fyrir u.þ.b. þremur árum síðan. Þá var þakkantur á bílskúr endurnýjaður og komið fyrir lýsingu allan hringinn við bílskúra. Auk þess er nýleg og vönduð bílskúrshurð í bílskúr. Á síðustu fjórum árum er búið að endurnýja baðherbergi á afar vandað máta (gólfhita þá komið fyrir á baðherbergi), skipt um gólfefni, innihurðir og gler í öllum gluggum norður- og austurhliðar. Auk þess hefur neysluvatn verið endurnýjað.

Rúmgott alrými sem skiptist í annars vegar stóra stofu sem rúmar setustofu og borðstofu og hins vegar eldhús með borðplássi. Útgengi úr stofu á rúmgóð verönd til suðurs í skjólgóðum og grónum garði í rólegum botnlanga. Eldhús er opið að hluta við stofu með plássi fyrir eldhúsborð og gluggum til suðurs og vesturs. Glæsilegt endurnýjað baðherbergi með baðkari, sturtu og saunuklefa. Í dag eru tvö svefnherbergi en voru áður þrjú þar sem baðherbergi var stækkað á kostnað eins svefnherbergis. Rúmgott þvottaherbergi með sérinngangi frá vesturshlið hússins. Möguleiki væri að útbúa útleigurými úr þvottaherbergi og einu svefnherbergi með sérinngangi.

Bílskúr er 26,5 fermetrar að stærð, snyrtilegur og vel við haldinn. Inngangshurð norðan megin á bílskúr (við inngang eignar) og bílastæði fyrir framan bílskúr. Snjóbræðsla er undir bílastæði við bílskúr og stétt að inngangi. Rafhleðsla er við bílskúr.

Falleg og gróin lóð með tyrfðri flöt og gróðri á lóðarmörkum. Viðarverönd til suðurs út frá stofu. Hellulögð stétt fyrir framan bílskúr og að inngöngum með snjóbræðslu. Falleg og vönduð rafmagnsmarkísa er fyrir framan viðarverönd (útgengi úr stofu).

Um er að ræða eftirsótta staðsetningu í góðu fjölskylduhverfi í Foldahverfi í Reykjavík þar sem stutt er í grunnskóla og leikskóla. Frábærar hjóla- og gönguleiðir í næsta nágrenni, m.a. við Grafarvoginn, Elliðaárvoginn, meðfram Grafarvogi upp að Geldingarnesi og víðar. Stutt er í helstu stofnæðar þar sem hverfið er afar vel staðsett innan höfuðborgarsvæðisins. 

Nánari lýsing:
Forstofa: Með harðparketi og skápum. Mikið geymslurými er inn af skáp í forstofu.
Eldhús: Með harðparketi á gólfi og viðar eldhúsinnréttingu. Gluggar til suðurs og vesturs. Stál bakaraofn, spansuðu helluborð, tengi fyrir uppþvottavél og flísar á milli skápa. Gott pláss fyrir eldhúsborð.
Stofa: Er rúmgóð með harðparketi á gólfi og gluggum til suðurs og austurs. Stofa rúmar vel setustofu og borðstofu. Útgengi á viðarverönd til suðurs.
Verönd: Útgengi á rúmgóða viðarverönd til suðurs sem er afgirt að hluta. Viðverönd snýr inn í skjólgóðan og gróin garð.
Hjónaherbergi: Er rúmgott með harðparketi á gólfi, góðum skápum og glugga til norðurs.
Baðherbergi: Er nýlega endurnýjað á afar glæsilegan máta. Flísar og gólfi og veggjum. Vönduð blöndunartæki frá Tengi. Frístandandi baðkar með innbyggðum blöndunartækjum og flísalögð sturta með innbyggðum blöndunartækum. Falleg baðinnrétting með stein vaski og speglaskáp fyrir ofan með lýsingu. Innfelld lýsing í loftum með dimmer, handklæðaofn og infrared saunaklefi. Gluggar til norðurs.
Svefnherbergi II: Er rúmgott með harðparketi á gólfi og glugga til norðurs.
Þvottaherbergi/geymsla: Er mjög rúmgott með flísum á gólfi. Sérinngangur frá norðurhlið hússins inn í þvottaherbergi. Gluggar til suðurs og vesturs. Tenglar fyrir þvottavél/þurrkara og hillur. Möguleiki væri að útbúa útleigurými úr þvottaherbergi og svefnherbergi II þar sem sérinngangur og allar lagnir eru til staðar frá þeim hluta hússins.

Bílskúr: Er mjög snyrtilegur og mikið endurnýjaður líkt og fram hefur komið. Nýleg bílskúrshurð og rafmagnsopnun. Gluggar til austurs og norðurs. Inngangshurð norðan megin við bílskúr (nær aðal inngangi). Auk þess er búið að endurnýja allan þakkant, koma fyrir lýsingu í þakkanti og múra/mála bílskúra.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is