Hringbraut 63

Domusnova hefur fengið í einkasölu snotra 3ja herbergja íbúð við Hringbraut í Reykjavík. Íbúðin er  á 1.hæð, geymsla í sameign undir stiga og geymsla/þvottahús í kjallara. Góður suðurgarður. Endurnýjað þakjárn og gler í gluggum hefur verið endurnýjað en ekki vitað hvenær, gluggalistar málaðir 2022. Frábær staðsetning og stutt í alla þjónustu. Vel skipulögð íbúð með góðri nýtingu á plássi. 

Íbúðin er að nokkru leyti upprunaleg, eldhús og skápar í herbergi og á holi eru upprunaleg en í góðu standi. Baðherbergi, gólfefni, gler og/eða gluggar hafa verið endurnýjuð en ekki vitað hvenæar það var. Ofnalagnir og ofnar bera með sér hafa verið endurnýjaðir en ekki vitað hvenær.
Þegar komið er inní húsið er sameiginlegt hol og stigi niður í kjallara þar sem er geymsla sem tilheyrir íbúðinni, 7.8fm að stærð. Undir stiganum við innganginn er lítil óskráð geymsla. Er inní íbúðina kemur er herbergi á hægri hönd og baðhergi einnig. Beint af augum er svefnherbergi með stórum innbyggðum skápum sem eru líklega upprunalegir. Til vinstri er svefnherbergi og stofa sem snúa í suður.
Eldhús er með upprunalegri innréttingu, með glugga til norðurs og austurs, blöndunartæki eru nýleg. Harðparket á gólfi.
Baðherbergi er með baðkari og sturtuhengi, Flísar á gólfi. Vifta er á baðherberginu en ekki opnanlegt fag.
Stofa er með harðparketi á gólfi og snýr til suðurs með stórum glugga, harðparket á gólfi. Stór suðurgluggi veitir mikilli birtu inní stofuna.
Tvö herbergi eru með harðparketi á gólfi og það sem snýr í norður er með góðum skápum en engir skápar í því sem snýr til suðurs, það herbergi er sýnt sem borðstofa á teikningum og eru dyr á milli stofu og þessa herbergis. Það er hins vegar notað sem herbergi af núverandi eigendum.
Á holi er ágætur skápur, harðparket er á gólfi. 
Í sameign er sérgeymsla sem er 7,8fm að stærð og er  þar tengi fyrir þvottavél og er hún notuð sem bæði þvottahús, með snúrum,  og geymsla.
Íbúðinni tilheyrir hlutdeild í góðum sameiginlegum garði sem snýr til suðurs. Á samþykktum teikningum frá 1995 er gert ráð fyrir svölum a suðurhlið sem ekki hafa verið byggðar
Skipt hefur verið um ofnalagnir og ofna, þak var endurnýjað 2017 og gluggar/gler hefur verið endurnýjað en ekki vitað hversu langt síðan það er. Húsið er steinað að utan. 
Fasteignamat násta árs er 60.400.000. 

Til að fá söluyfirlit og fleiri gögn send strax smellið hér.

Nánari upplýsingar veita:
Árni Helgason löggiltur fasteignasali / s.663 4290 / arni@domusnova.is
Skrifstofa / s.527-1717 / eignir@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:

1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.