Stapasíða 13b

Fasteignasalan Hvammur 466 1600

Stapasíða 13b - Skemmtileg 5 herbergja raðhúsaíbúð á tveimur hæðum og með bílskúr á vinsælum stað í Síðuhverfi - stærð 165,4 m²

 ** Vinsæl staðsetning - stutt í leik- og grunnskóla **

Eignin skiptist með eftirtöldum hætti, 
Neðri hæð 89,9 m²: Forstofa, eldhús, stofa, snyrting, þvottahús, geymsla og bílskúr. 
Efri hæð 75,5 m²: Sjónvarpshol, fjögur svefnherbergi og baðherbergi. 

Forstofa er með flísum á gólfi. Útidyrahurðar í forstofu og þvottahúsi voru endurnýjaðar árið 2018. 
Eldhús, upprunaleg viðar innrétting með flísum á milli skápa og filmaðri bekkplötu. Blöndunartæki og vaskur var endurnýjað árið 2022. Flísar eru á gólfi og rúmgóð borðstofa. 
Stofa er með ljósu plast parketi á gólfi. Úr stofu er gengið út til suðurs á rúmgóða timbur verönd. Perlumöl er frá veröndinni og að lóðarmörkum til suðurs. 
Timbur stigi er á milli hæða. 
Sjónvarpshol er með ljósu plast parketi á gólfi og hvíttuðum panil í loftum. 
Svefnherbergin eru fjögur, öll með plast parketi á gólfi. Úr einu barnaherberginu er gengið út á steyptar suður svalir. Hjónaherbergi er með stórum fataskáp og hurð út á norður svalir sem eru yfir bílskúrnum. Búið er að endurnýja bæði glugga og svalahurð í hjónaherberginu. 
Baðherbergi er með flísum á gólfi, hvítri innréttingu, upphengdu wc, baðkari, sturtuklefa og opnanlegum glugga sem hefur verið endurnýjaður. 
Snyrting er á neðri hæðinni með flísum á gólfi, handlaug og upphengdu wc. 
Þvottahús er með flísum á gólfi og snyrtilegri hvítri innréttingu (2021) með stæði fyrir þvottavél og þurrkara í vinnuhæð og skolvask. Sér inngangur er inn í þvottahúsið og nýtist það sem annar inngangur fyrir eignina.
Geymsla er inn af bílskúrnum með flísum á gólfi og hillum. 
Bílskúr er með flísum á gólfi og rafdrifinni innkeyrsluhurð. Hillur eru á veggjum. Innangengt er í bílskúrinn. 

Annað
- Þakrennur voru endurnýjaðar árið 2016. Hitaþræðir eru í þakrennum. 
- Útidyrahurðar í forstofu og þvottahúsi voru endurnýjaðar árið 2018
- Gluggar á norðurhlið hússins voru endurnýjaðir árið 2020
- Húsið var múrviðgert og málað að utan árið 2021.
- Gluggar voru málaðir að innan árið 2022
- Bílaplan var malbikað árið 2023
- Búið er að taka inn ljósleiðara.
- Eignin er í einkasölu

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.  Eignin hefur verið í útleigu frá byggingu og seljandi því með takmarkaðar upplýsingar um ástand eignarinnar.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.