Skarðshlíð 30 F

Skarðshlíð 30F - Rúmgóð og vel skipulögð 4ra herbergja íbúð á 3ju hæð (efstu) í fjölbýli í Glerárhverfi - stærð 109,0 m²

Eignin er laus til afhendingar við kaupsamning

Eignin skiptist í forstofu, gang, eldhús, stofu, þrjú svefnherbergi, baðherbergi og þvottahús/geymslu. Í kjallaranum er sér geymsla, mjög rúmgóð. 

Forstofa og gangur eru með parketi á gólfi. Opið er úr forstofu inn í eldhús. 
Eldhús hefur verið endurnýjað, þar er falleg hvít innrétting með viðar bekkplötu og parket á gólfum. Uppþvottavél er innfelld í innréttingu og fylgir með við sölu eignar. Borðkrókurinn er rúmgóður.
Stofa er með parketi á gólfi og stórum suður glugga. 
Svefnherbergin eru þrjú, öll með parketi á gólfi og í einu þeirra er hvít málaður fataskápur. Úr einu herbergjanna er hurð út til suðurs á steypta svalir. 
Baðherbergi er með máluðum flísum á gólfi og hluta veggja, handlaug með nýlegum tækjum, skáp og baðkari með sturtutækjum. 
Þvottahús er inn af eldhúsi og var það endurnýjað árið 2020. Flísar eru á gólfi og hvít innrétting með miklu skápa- og bekkjarplássi ( sambærileg og í eldhúsi). Stæði er í innréttingunni fyrir þvottavél og þurrkara í vinnuhæð. Innbyggður ísskápur og lítill frystiskápur eru í innréttingunni og fylgja bæði tækin með við sölu eignar. 

Sér geymsla er í kjallaranum, mjög rúmgóð, um 30 m². Þar er léttur veggur sem skiptir henni upp í tvö rými. Ekki er full lofthæð í geymslunni. 

Annað
- Snyrtilega sameign
- Búið er að taka inn ljósleiðara.
- Búið er að endurnýja frárennslislagnir frá þvottahúsi og eldhúsi og niður í kjallara.
- Sér hitaveita. Hitaveitugrind hefur nýlega verið endurnýjuð.
- Húsfélagsgjöld á mánuði 28.000.-
- Gæludýr eru leyfð.
- Stutt er í ýmsa verslun og þjónustu, skóla, leikskóla og íþróttarsvæði Þórs.
- Eignin er í einkasölu