Skaftahlíð 1

Eignamiðlun kynnir:

Einstaklega fallegt og vel skipulagt parhús á þremur hæðum við Skaftahlíð. Falleg hönnun og ólík flestum húsum í hverfinu. Góðir garðar framan og aftan við húsið. Gengið er beint frá stofu út í fallegan, skjólgóðan og afgirtan garð sem snýr í suður. Stórar stofur, eldhús og gestasalerni eru á miðhæð. Fjögur svefnherbergi á efri hæð. Lítil íbúð í kjallara með sérinngangi. Nýlegt þak, nýlegt frárennsli og dren, og flestir gluggar nýlegir.

Arkitekt hússins er Hannes Kr. Davíðsson sem einnig teiknaði Kjarvalsstaði. Fyrsti landslagsarkitekt Íslands, Jón H. Björnsson (Jón í Alaska), hannaði garðinn. Húsið var sett í rauða hverfisvernd (ytra útlit) í Hverfisskipulagi Hlíða 2024 vegna byggingarsögulegs gildis. Saga og sérstaða hússins og garðsins hefur verið skráð á bók.

Eignin er skráð 254,9 fm - þar af er opið bílskýli vestan við húsið skráð 21 fm. 

Nánari lýsing:
Forstofa á miðhæð: Flísar á gólfi og fatahengi.
Eldhús: Ljósbrún viðarinnrétting, vínilflísar á gólfi, borðkrókur og gluggar í tvær áttir. 
Borðstofa: Á efri palli, opin við setustofuna. Parket er á gólfi og gluggar.
Setustofa: Gengið niður þrjú þrep í setustofuna sem er mjög rúmgóð og björt með stórum gluggum og aukinni lofthæð (um 3,2 m). Parket er á gólfi. Gengið er beint út í garðinn til suðurs. Garðurinn er steyptur að hluta og með hellulögn að hluta.
Gestasalerni: Við forstofu, flísar eru á veggjum og gólfi og gluggi.

Gengið upp steyptan og parketlagðan stiga upp á efri hæð hússins.
Hol tengir saman rými hæðarinnar, parket er á gólfi og þakgluggi sem gefur góða birtu.
Herbergi 1: Rúmgott hjónaherbergi, dúkur á gólfi og innbyggðir fataskápar. Gengið er frá herberginu út á suður svalir, nýleg hurð.
Herbergi 2: Mjög rúmgott herbergi, dúkur á gólfi og fataskápar.
Herbergi 3: Gott herbergi, dúkur á gólfi og innbyggður skápur.
Herbergi 4: Gott herbergi, korkflísar á gólfi og nýleg tvöföld hurð út á suður svalir.
Baðherbergi: Flísar á veggjum og gólfi, baðker, sturtuklefi og gluggi er á herberginu. Fyrir framan baðherbergi er lítið hol og geymsla inn af holinu.

Úr holi miðhæðar er gengið um steyptan stiga með sísalteppi niður í kjallara hússins. Einnig er sérinngangur í kjallara íbúð á vesturhlið hússins.
Þvottahús: Stórt þvottahús með flísum á gólfi. Fyrir framan þvottahús er hol með innréttingum.
Herbergi/Geymsla: Á móti þvottahúsi er nokkuð rúmgott rými/herbergi með korkparketi á gólfi og fallegum gluggum sem snúa upp í garðinn. Inn af herberginu er geymsla.
Auka íbúð: Í hluta kjallarans er séríbúð með sérinngang. Gengið er inn á flísalagt anddyri. Eldhúsið er flísalagt. Viðarinnrétting og borðkrókur við glugga. Inn af eldhúsi er flísalagt baðherbergi með sturtu. Eitt herbergi er í íbúðinni, mjög rúmgott og með glugga. Plastparket er á gólfi. Hægt er að ganga úr íbúðinni í þvottahúsið sem væri þá sameiginlegt með aðalíbúð. Einnig er hægt að hafa lokað á milli.
Vestan við húsið er innkeyrsla, yfirbyggt og opið bílskýli.

Endurbætur / viðhald
2025: Dren allt yfirfarið við norður-, austur- og vesturhliðar hússins og endurnýjað að hluta. 
2024: Þakjárn og þakpappi endurnýjað og timburklæðning að hluta, þakrennur endurnýjaðar og settur í þær hiti.
2018: Rafmagnsinntak uppfært í 3ja fasa 400 volt.
2016 og 2017: Gluggar endurnýjaðir á efri og miðhæð og sett öryggisgler í þakglugga.
2010 Skjólveggir við suðurgarð endurnýjaðir og reist pergóla (laufskáli).
2003: Frárennslislagnir endurnýjaðar undir húsi og út í brunn.

Fallegt og vel staðsett hús - stutt í skóla og alla helstu verslun og þjónustu - göngufæri við miðborgina. Klambratún í allra næsta nágrenni, þar er stórt útivistarsvæði ásamt Kjarvalsstöðum og kaffihúsi.

Nánari upplýsingar veitir Hilmar Þór Hafsteinsson Lögg. fasteignasali/leigumiðlari, í síma 824-9098, tölvupóstur hilmar@eignamidlun.is eða skrifstofa Eignamiðlunar í síma 588-9090

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook