Miklaborg kynnir: Einstakt einbýlishús á þremur hæðum eftir Jes Einar Þorsteinsson, arkitekt, á friðsælum stað í Seljahverfinu. Húsið er samtals 251,6 fermetrar og var byggt árið 1978. Umhverfi hússins er gróðursælt og stór tré umkringja húsið á öllum hliðum. Húsið sjálft er í sama anda og helstu verk Jes Einars en sem dæmi mætti nefna Skeiðalaug í Brautarholti.

Bókið einkaskoðun hjá Þresti Þórhallssyni löggiltum fasteignasala í síma 897-0634 eða throstur@miklaborg.is eða Gabriel Mána Hallssyni löggiltum fasteignasala í síma 772-2661 eða gabriel@miklaborg.is

Nánari lýsing:

Húsið er á þremur hæðum og gengið er inn á miðhæðina sem kölluð er götuhæð. Neðsta hæðin er garðhæð og efsta þakhæð. Hér er hverri hæð lýst nánar og gott er að skoða myndirnar til að átta sig á skemmtiegu og listrænu skipulagi hússins.

Gengið er inn á götuhæð en hún skiptist í tvö svefnherbergi, vinnurými, baðherbergi og bílskúr. Úr anddyri er hægt að ganga út á litlar svalir sem snúa út í garðsvæði við suðurhlið hússins.

Á þakhæð hússins er vinnustofa ásamt stórum þakgarði. Á þakinu er torf en á þakgarðinum er möl og hellulagt.

Íverurýmin, eldhús og stofa eru á garðhæðinni en þaðan er hægt að ganga út á verönd. Aflíðandigarðveggur liggur út frá húsinu í spíral og endar í litlu hringlaga keri, sem atti upphaflega að vera lítil laug. Garðveggurinn myndar skjólgott útiverurými. Stofan er í norðvestur hluta hússins og er gólfi hennar lyft lítillega. Á jarðhæð eru einnig búr og þvotthús inn af eldhúsi, salerni og vinnuhol sem er teiknað sem herbergi. Tvöfaldur arinn er í húsinu sem hægt er að kveikja upp í bæði innan– og utandyra, annars vegar í stofunni og hins vegar úr garðsvæðinu. Yfir arinstofunni er stórt op á milli jarðhæðar og garðhæðar og götuhæðar sem er í laginu eins og hálfhringur en opinu er lokað með stálneti sem hægt er að sitja á.

Innandyra eru veggir ýmist úr grófslípaðri steypu sem er lökkuð eða pússaðir og málaðir. Loftin eru steypt og sum staðar máluð. Í gluggum og hurðum er degli (oregon pine) sem er í dag svartmálaður utandyra en lakkaður innandyra. Sumir gluggar eru felldir beint í steinkarma og áfellur settar innandyra. Birki parket er á gólfum. Stiginn er úr timbri og stigahúsið er málað dökkrautt. Á syðsta horni hússins er áhugaverður horngluggi sem setur svip á götuhliðina.

Um er að ræða dánarbú og óska seljendur eftir tilboði í eignina.

Nánari upplýsingar veita:

Þröstur Þórhallsson löggiltur fasteignasali í síma 897-0634 eða throstur@miklaborg.is

Gabriel Máni Hallsson löggiltur fasteignasali í síma 772-2661 eða gabriel@miklaborg.is