Hlíðarhjalli 41

Nýtt á skrá!  Hlíðarhjalli 41A í Kópavogi / Glæsileg 4ra herb. hæð með sérinngangi, verönd með heitum potti og sérstæði í lokuðum bílakjallara.

Lind fasteignasala / Heimir Hallgrímsson lögg. fasteignasali kynna til sölu glæsilega 162,8 fermetra 4 herbergja neðri sérhæð með sérinngangi í fallegu húsi við Hlíðarhjalla 41A í Kópavogi. Um er að ræða vandaða, bjarta og fallega hæð á frábærum stað miðsvæðis í Kópavogi. 

Eignin hefur fengið gott viðhald í gegnum árin og má þar m.a. nefna að eldhúsið var endurnýjað á afar fallegan og vandaðan máta árið 2019 ásamt parketi og innihurðum. Þá voru ofnar íbúðar endurnýjaðir árið 2018. Þak á húsinu var endurnýjað fyrir u.þ.b. 5 árum síðan og skipt var um dúk á bílakjallara árið 2018 (blásarar í bílakjallara endurnýjaðir 2025). Útidyrahurð og gluggar á suðurhlið eignarinnar var endurnýjað árið 2023 (gluggi í stofu og hjónaherbergi 2025 og svalahurð 2016). Verönd og heitur pottur er frá árinu 2014. 

Þrjú svefnherbergi, rúmgóð stofa, sjónvarpsrými, baðherbergi og þvottaherbergi. Útgengi úr stofu á rúmgóða afgirta verönd með heitum potti (hitaveitu). Afar fallegt og endurnýjað eldhús með vönduðum innréttingum frá Parka og vönduðum eldhús- og blöndunartækjum (tveimur ofnum, 6 hellu spanhelluborð, eyjuháfi, innb. uppþvottavél). 

Sér bílastæði í lokuðum bílakjallara með geymslu inn af bílastæði. Sameiginleg hjóla- og vagnageymsla er inn af bílakjallara. Rafhleðsla við bílastæði í bílakjallara fylgir með eigninni. Hellulögð stétt fyrir framan hús og sameiginleg bílastæði á lóðinni.

Staðsetning eignarinnar er afar góð á eftirsóknaverðum stað í lokuðum botnlanga við Hlíðarhjalla í Kópavogi þaðan sem stutt er í skóla á öllum skólastigum, Íþróttasvæði og alla verslun og þjónustu. Stutt er í helstu stofnæðar frá hverfinu. Frábær útivistarsvæði í næsta nágrenni í Kópavogsdalnum.

Nánari lýsing:
Forstofa: Með flísum á gólfi og skápum. Gólfhiti og sérinngangur.
Eldhús: Með vinylparketi á gólfi og fallegri nýlegri eldhúsinnréttingu frá Parka með miklu vinnu- og skápaplássi. Undirfelldur vaskur og vönduð Grohe blöndunartæki með útdraganlegum haus. Góð eldhúseyja með stóru spansuðuhelluborði (6 hellum) og eyjuháfi fyrir ofan. Tveir AEG ofnar (annar combi) ásamt innb. AEG uppþvottavél. Gott pláss fyrir borðstofuborð og gluggar til austurs og suðurs.
Stofa: Er rúmgóð með vinylparketi á gólfi og gluggum til suðurs og austurs. Útgengi á verönd frá stofu.
Verönd: Er afgirt og með heitum potti (hitaveitu). Falleg og vel viðhaldin viðarverönd frá árinu 2014. 
Sjónvarpsrými: Með vinylparketi á gólfi og glugga til norðurs.
Hjónaherbergi: Með vinylparketi á gólfi, skápum á heilan vegg og upp í loft og glugga til austurs.
Svefnherbergi II: Er rúmgott, með vinylparketi á gólfi, skápum og glugga til vesturs.
Svefnherbergi III: Er rúmgott, með vinylparketi á gólfi og glugga til vesturs.
Baðherbergi: Með flísum á gólfi og veggjum. Gólfhiti er á baðherbergi. Baðkar með sturtutækjum og sturta. Innrétting við vask, handklæðaofn og gluggi til austurs.
Þvottaherbergi: Með flísum á gólfi, vask, þvottasnúrum og tenglum fyrir þvottavél/þurrkara.

Bílastæði í lokuðu bílskýli: Vel staðsett og rúmgott. Uppsett rafhleðslutæki fylgir.
Geymsla: Er staðsett inn af bílastæði í bílakjallara.

Hjóla og vagnageymsla: Er staðsett inn af bílakjallara.

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is