Kirkjubraut 63

Medial ehf. og Jóna Benný Kristjánsdóttir lögmaður og löggiltur fasteignasali kynna til sölu einbýlishús að Kirkjubraut 63, 780 Höfn í Hornafirði, fastanúmer 218-1032 ásamt öllu því sem eigninni fylgir, þar með talin tilheyrandi lóðarréttindum.

Eignin Kirkjubraut 63 er skráð sem hér segir hjá FMR: Eign 218-0957, birt stærð 154,1 m2 og því til viðbótar u.þ.b. 12 m2 viðbygging og um 7  m2 geymsluhús í garði ásamt litlum leikkofa.

Húsið er steinsteypt og byggt árið 1972, bílskúr var byggður við húsið árið 2001. Á árunum 2020-2021 var bílskúr breytt í herbergisálmu og byggð u.þ.b. 12 m2 viðbygging við fasteignina sem er í dag þvottahús og aðalinngangur fasteignarinnar. 5 svefnherbergi eru í húsinu svo húsið er tilvalið fyrir barnmargar fjölskyldur. Húsið stendur innst í litlum botnlanga í barnvænu hverfi með góðu aðgengi að grænum svæðum. 

Gengið er inn í forstofu sem er í nýrri viðbyggingu hússins, þar er gólfhiti. Í framhaldinu er þvottahús. 
Eldhús er með vandaðri innréttingu frá Brúnás með miklu skápa- og borðplássi. Spanhelluborð, ofn í vinnuhæð og innbyggð uppþvottavél. Hiti er í gólfi í eldhúsinu og korkur á gólfinu. Nýlega var skipt um glugga í eldhúsinu.  
Stofa er mjög rúmgóð og björt með borðstofu og innri stofu. Þaðan er útgengt út á lítinn hellulagðan pall með skjólgirðingu austan megin við húsið. Harðparket var sett á stofuna árið 2016. Einnig hefur verið skipt um loftaþiljur yfir stofu að sögn eigenda, ásamt því að þar var skipt um einangrun og rakavarnarlag. 

Á herbergisgangi er stór fataskápur. Þrjú herbergi eru á ganginum ásamt baðherbergi og einu litlu herbergi þar sem útgengt er út á stóra steypta verönd með timburskjólveggjum.
Baðherbergi er flísalagt upp í loft og hiti er í gólfi. Nýlegur gluggi er á baðherberginu, sturta og upphengt salerni. 
Frá herbergisgangi er gengið niður eitt þrep í nýju herbergisálmuna sem samanstendur af hjónaherbergi, barnaherbergi, gangi og baðherbergi (tilbúið til innréttinga). Gólfhiti er í öllum rýmum nýju herbergisálmunnar. Útgengt er frá gangi út á steyptu veröndina vestan megin við húsið. 

Garðurinn er einkar stór. Góður grasi vaxinn garður er á allar hliðar hússins nema norðurhlið þar sem bílskúr og bílastæði eru.
Austan megin við húsið er steyptur pallur með skjólgirðingu, sunnan megin við húsið er steypt stétt þar sem áður var forstofa og vestan megin við húsið er stór steyptur pallur með góðri skjólgirðingu og skjóli af húsinu..

Endurbætur sem gerðar hafa verið á húsinu að sögn eigenda:
Klárað var að skipta um alla glugga á húsinu árið 2020, að undanskildum forstofuglugga. 
Nýjar innihurðar að hluta.
Skólp hefur verið endurnýjað.
Vatnslagnir voru endurnýjaðar að hluta 2015 og að fullu 2022.
Raflagnir voru endurnýjaðar að hluta 2016 og að fullu 2021.
Viðbygging byggð við húsið árin 2020-2021 og bílskúr breytt í herbergisálmu. Framkvæmdir eru langt komnar en þeim er þó ólokið.  
Ný svalahurð og gluggi sett á austurhlið hússins árið 2018.

Tilvalin fasteign fyrir stórar fjölskyldur. Frábær staðsetning í barnvænu og grónu hverfi

Allar nánari upplýsingar um eignina veitir Jóna Benný Kristjánsdóttir lögmaður og löggiltur fasteignasali í síma 4771222 og á netfanginu jona@medial.is

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Medial beinir þess vegna þeim tilmælum til kaupenda að skoða eign vel áður en kauptilboð er gert og jafnframt að fá þar til bæra sérfræðinga til að ástandsskoða eignir. 

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu skv. kauptilboði.