Smáraland 21

BYR fasteignasala kynnir SMÁRALAND 21, 800 Selfoss í einkasölu.  Glæsilegt nýtt fimm herbergja einbýlishús á einni hæð á eignarlóð á Selfossi.
 - Guðbjörg Magnúsdóttir innanhússarkitekt sá um innanhússhönnun.
Húsið er klætt að utan með flísum á álkerfi, gluggar og hurðar úr áli, lóð verður fullfrágenginn með steyptu bílaplani með hitalögn fyrir þrjár bifreiðar, steyptri stétt meðfram húsi og steyptri verönd til suðurs þar sem gert verður ráð fyrir heitum potti. Vel staðsett einbýlishús á eftirsóttum stað í grónu hverfi á, stutt í alla helstu þjónustu og verslanir. Ýtið hér fyrir staðsetningu. 

Húsinu er skilað fullfrágengnu að innan og utan, með lokaúttekt, byggingarstig 7, matsstig 7 samkvæmt ÍST 51:2001, húsið er laust til afhendingar í ágúst 2023.
Húsið er byggt árið 2022 og skiptist í einbýli 163,0 m² og bílskúr 37,0 m²  samtals 200,0 m² samkvæmt skráningu Þjóðskrár Íslands.

Anddyri með þreföldum fataskáp. 
Alrými með stofu, borðstofu og eldhúsi. Úgengt er úr alrými út á steypta stétt sem liggur að steyptri verönd til suð-austurs.
Eldhús með Kvikk eldhúsinnréttingu með eyju, vaskur, handúðari á blöndunartækjum, spanhelluborð, gufugleypir, ofn í vinnuhæð, innbyggð uppþvottavél ásamt innbyggðum kæli og frystiskáp, öll tæki í eldhúsi eru Siemens tæki.
Loftræsting er úr eldhúsi í lofti ofan við helluborð. Gufugleypir innfelldur í loftið. 
Hjónasvíta með baðherbergi og fataherbergi. Fataherbergi með rúmgóðri skápainnréttingu, innbyggð lýsing er í lofti ofan við skápa. Baðherbergi með sturtu, vaskinnréttingu og vegghengdu salerni. 
Þrjú svefnherbergi, öll með tvöföldum fataskápum, innbyggð lýsing er í lofti ofan við fataskápa. 
Baðherbergi er rúmgott með baðkari og sturtu, vegghengt salerni, flísar í hólf og gólf. Rúmgóð vask innrétting. Útgengt er út á verönd frá baðherbergi.  
Innangengt er í bílskúr frá anddyri,  Bílskúrshurðaopnari og tvær fjarstýringar fylgja. Útgengt er úr bílskúr á tveimur stöðum.
Þvottahús og geymsla eru innst í bílskúr. Þvottahús með innréttingu, vaskur í borði, hækkun er fyrir tvær vélar í vinnuhæð. 
Gólfefni: Kvikkstepp harðparket frá Harðviðarval er á gangi, stofu, borðstofu og svefnherbergjum. Terrazzo flísar eru á baðherbergjum, flísar á eldhúsi og anddyri. Epoxy er á gólfi í bílskúr, geymslu og þvottahúsi.
Gólfhiti er í allri eigninni, lagt í Anhydrit. Gólfhitastýringar Danfoss fylgja. Allar innréttingar eru frá Kvikk innréttingum, steinborðplötur eru á borðum eldhúsinnréttingar og baðinnréttinga. Rofar og tenglar eru svartir að lit. 
Innbyggð lýsing er í alrými og yfir skápum í svefnherbergjum. Innbyggð Grohe blöndunartæki eru í sturtum (upphengt í loft) og við baðkar. Hans Grohe blöndunartæki eru við vaska í baðherbergjum og eldhúsi.

Húsið er einbýlishús á einni hæð byggt úr timbri á steyptum grunni. Að utanverðu er meginklæðning útveggja flísar sem límdar eru á álkerfi. Þakið er klætt með aluzink húðaðri bárujárnsklæðingu.
Gluggar og hurðar eru úr áli í hvítum lit. Lóð verður fullfrágengin með steyptu bílastæði fyrir þrjár bifreiðar, ásamt opnu sorptunnuskýli er rúmar þrjú ílát. Lóð verður tyrfð.
Steypt verönd til suðurs með tengingu fyrir heitan pott verður aftan við húsið, steyptar stéttir og bílaplan verða með hitalögn, hitalögn verður á verönd frá baðherbergi að heitum potti. Gert ráð fyrir að hægt sé að setja upp hleðslustöð fyrir rafbíla á sorptunnugeymslu, lagnaleiðir til staðar. Allt efnisval hússins að utanverðu miðar að því að það sé því sem næst viðhaldsfrítt.