Langholtsvegur 172

Byr fasteignasala kynnir í einkasölu LANGHOLTSVEG 172, ÍBÚÐ 101 í Reykjavík. Fjögurra herbergja íbúð á miðhæð í þríbýli ásamt bílskúr.
Húsið er steypt, íbúð 0101 mið hæð, íbúð 105,6 m², bílskúr 25,4  m², samtals 131,0 m²  samkvæmt skráningu Þjóðskrár Íslands.
Skipulag eignar: Anddyri, eldhús, stofa og borðstofa, gangur, þrjú svefnherbergi og baðherbergi. Bílskúr. Í sameign í kjallara er sér geymsla og sameiginlegt þvottahús. 

Anddyri er sameiginlegt með rishæð, teppi á gólfi og fatahengi. Innangengt er í kjallara frá anddyri. 
Gangur er innan við anddyri, liggur að öllum rýmum íbúðar, flísar á gólfi. Á gangi er innbyggður skápur, þar er rafmagnstafla. 
Stofa, borðstofa eru saman í rými, harðparketi á gólfi.
Eldhús með flísum á gólfi. Hvít eldhúsinnrétting með olíubornum viðarborðplötum og áfast/innbyggt eldhúsborð og bekkir. Electrolux ofn í vinnuhæð, Bosch keramikhelluborð, háfur, nýleg blöndunartæki, stálvaskur.
Gert er ráð fyrir uppþvottavél í innréttingu og tvöföldum ísskáp.
Svefnherbergin eru þrjú, öll rúmgóð (eitt þeirra er skráð stofa á upprunalegri teikningu). Hjónaherbergi með harðparketi á gólfi og tveimur fataskápum. Þaðan er útgengt á svalir, frá svölum liggur steyptur stigi niður í garð.
Samkvæmt upprunalegri teikningu er hjónaherbergi skráð stofa, möguleiki er á að opna aftur á milli og hafa tvær stofur og tvö svefnherbergi í eigninni. 
Barnaherbergin eru bæði með parketi á gólfi og fataskápum.
Baðherbergi er flísalagt í hólf og gólf. Sturtubaðkar, vaskinnrétting, vegghengt salerni, handklæðaofn, gluggi, nýleg blöndunartæki. Innbyggð lýsing er í hluta baðherbergis. 

Í kjallara í sameign er sérgeymsla 4,8 m², málað gólf. Sameiginlegt þvottahús er í kjallara, málað gólf. 
Bílskúr með bílskúrshurð, inngönguhurð er í bílskúrshurð. Rafmagn er í skúr, heitt og kalt vatn og vaskur. Sérbílastæði hæðar er framan við bílskúr. 
Bílskúrinn er timburskúr á steyptri plötu. Um er að ræða eldri bílskúr í mikið til upprunalegu ástandi sem er í dag nýttur sem geymsla og vinnuaðstaða. 
 
Húsið er steypt þriggja hæða „bakhús" við lítinn botnlagna við Langholtsveg. Húsið var múrviðgert og málað að utan árið 2019.
Á lóð eru tvær timburverandir, önnur þeirra er einkaeign íbúðar, fyrir neðan svalir en hin veröndin er í sameign. Garðurinn er frágenginn, snyrtilegur og vel við haldinn, þar má meðal annars finna matjurtir og berjarunna. 

Fjögurra herbergja íbúð með bílskúr. Gróið og vinsælt hverfi í Reykjavík þar sem stutt er í leikskóla, skóla og framhaldsskóla og alla helstu þjónustu og afþreyingu. Ýtið hér fyrir staðsetningu.