Skúlagata 40

Rúmgóð og björt 2ja herbergja útsýnisíbúð á 9. hæð (íbúð 901) í góðu lyftuhúsi fyrir 60 ára og eldri auk sérmerkts bílastæðis í upphituðum bílakjallara við Skúlagötu 40. Húsvörður er starfandi í húsinu. Í sameign er aðstaða með heitum potti, sauna og þrektækjum. Stór sameiginlegur samkomusalur er í húsinu sem íbúar geta fengið til afnota gegn vægu gjaldi. Næg bílastæði eru á lóðinni og búið er að setja upp tvö sér bílastæði með rafmagnshleðslustöð á bílaplani. Í bílakjallara er mjög góð sameiginleg bílaþvottaaðstaða fyrir íbúa. Félagsmiðstöðin VItatorg er í fimm mínútna göngufjarlæð að Lindargötu 59, en þar er hægt að vera í áskrift með heitan mat í hádeginu og njóta starfsemi þjónustumiðstöðvarinnar 59 https://reykjavik.is/lindargata-59 . Kaupandi þarf að vera í Félagi eldriborgara.

Eignin er skráð skv. Þjóðskrá Íslands alls 84,9fm. og þar af er bílastæði í bílakjallara 15fm. 

Nánari lýsing
Forstofa rúmgóð með innbyggðum fataskáp og parket á gólfi.
Stofa/borðstofa rúmgott og bjart rými með parketi á gólfi, góð tenging við eldhús. Fallegt útsýni er úr stofunni. Útgengt er út á útsýnissvalir úr stofunni. 
Eldhús með snyrtilegri innréttingu, efri og neðri skápar með flísum á milli, ofn í vinnuhæð, helluborð, gufugleypir og parket á gólfi.  
Svefnherbergi rúmgott með góðu skápaplássi og parketi á gólfi. 
Baðherbergi með innangengri sturtu, snyrtileg innrétting, vaskur, salerni og dúkur á gólfi.  
Þvottahús/geymsla innan íbúðar með tengi fyrir þvottavél, upphengdar hillur og dúkur á gólfi. 
Bílastæði er sérmerkt í upphituðum bílakjallara merkt nr. 31 fylgir eigninni.

Geymsla í sameign: Hægt er að leigja auka geymslu gegn hóflegu gjaldi.

Sameignin hefur verið mikið endurnýjuð og vel við haldið. Nýlega var skipt um gler í sameigninni og settir upp nýir dyrasímar.
Lóðin er falleg með tyrfðum flötum og hellulögðum stéttum með hitalögnum undir og næg bílastæði eru á lóð hússins Klapparstígs megin og einnig neðan húss Skúlagötumegin.

Allar nánari upplýsingar veitir Guðbjörg G. Sveinbjörnsdóttir löggiltur fasteignasali í síma 8995949 eða á netfanginu gudbjorg@trausti.is