Túngata 4

Nýtt á skrá! Túngata 4 Álftanesi - Falleg fjölskyldueign með 4-5 svefnherbergjum á fallegum og rólegum stað á Álftanesi.

Lind fasteignasala / Heimir Hallgrímsson lögg. fasteignasali kynnir fallegt og vel skipulagt 177,0 fermetra einbýlishús á einni hæð við Túngötu 4 á Álftanesi. Stór 1064,0 fermetra lóð með fallegu útsýni. Stór 37,0 fermetra bílskúr sem hefur verið endurnýjaður. Auk þess er u.þ.b. 12 fermetra rými milli bílskúrs og hússins sem er ekki inn í fermetratölu hússins.

Eignin skiptist í: Forstofu, gestasnyrtingu, stofu (setustofu, borðstofu), sjónvarpsstofu (möguleiki að bæta við fimmta svefnherbergi), eldhús, þvottaherbergi, svefnherbergisgang, hjónaherbergi, 3 barnaherbergi og baðherbergi. Stór bílskúr og gott millirými sem er u.þ.b. 12 fermetrar að stærð.

Staðsetning eignarinnar er afar góð á rólegum og fjölskylduvænum stað þar sem stutt er í grunnskóla, leikskóla, íþróttasvæði og sundlaug. Fallegar hjóla- og gönguleiðir við náttúru og sjóinn.

Nánari lýsing:
Forstofa: Með korki á gólfi og skápum. 
Gestasnyrting: Með salerni, vask og glugga til norðurs. Gestasalerni er staðsett við forstofu.
Stofa: Er rúmgóð og rúmar vel setustofu og borðstofu. Panell í loftum og gluggar til suðausturs og suðvesturs. Útgengi í bakgarð/verönd frá stofu.
Sjónvarpsstofa (möguleiki að nýta sem fimmta svefnherbergið): Með gluggum til suðvesturs.
Eldhús: Með viðar eldhúsinnréttingu, eldavél, góðum borðkrók og gluggum til norðurs með fallegu útsýni.
Þvottaherbergi: Er staðsett inn af eldhúsi. Málað gólf, vinnuborð með vaski, tenglar fyrir þvottavél og þurrkara og útgengi á lóð.
Hjónaherbergi: Með skápum og glugga til suðvesturs.
Svefnherbergi II: Með skápum og glugga til suðausturs.
Svefnherbergi III: Með glugga til norðvesturs.
Svefnherbergi IV: Með glugga til norðvesturs.
Baðherbergi: Með flísum á gólfi og hluta veggja. Baðkar með sturtutækjum, salerni, vaskur og gluggi til norðurs.

Bílskúr: Er stór, eða 37,0 fermetrar að stærð, mjög snyrtilegur og með gluggum til norðurs.
Millirými: Búið er að loka af rými milli hússins og bílskúrs sem gefur u.þ.b. 12 fermetra geymslurými með útgengi á lóð.

Fallegur og barnvænn garður með góðri tyrfðri flöt og steyptri/viðarverönd til suðvesturs. Einnig er rúmgóð verönd sem afmarkast með hellum til suðasturs framan við hús með kvöldlýsingu. Hellulögð stétt fyrir framan bílskúr. 

Allar nánari upplýsingar veitir:
Heimir Hallgrímsson lögg. fasteignasali í síma 849-0672 eða á netfanginu heimir@fastlind.is.

Samantekt frá seljanda:
Millirými hússins og bílskúrs u.þ.b. 12 fermetrar sem eru ekki inn í skráðum/birtum fermetrum.
Megnið af ofnalögnum og ofnum endurnýjaðir árið 2024 (þrír þó endurnýjaðir 1998).
Húsið málað að utan árið 2023 - múr, tréverk, þak og gluggakarmar.
Þakkantur endurnýjaður árið 2008 og skipt um hluta af þakjárni
Bílskúrinn kláraður að innan árið 2026.
Rafmagnstafla yfirfarin og skipt út öryggjum/lekastraumsliða.
Nýjar vatnslagnir og ljósleiðari endurnýjað út í götu og að húsi (inn í hús).
Búið að endurnýja hluta af glerjum í húsinu.