Galtalind 16

*ATH SELJENDUR ÓSKA EINUNGIS EFTIR SKIPTUM Á SÉRBÝLI Í LINDAHVERFINU SEM ER MEÐ AÐ LÁGMARKI 4 SVEFNHERBERGJUM *

LIND fasteignasala og Helga Pálsdóttir löggiltur fasteignasali kynna glæsilega og bjarta 4. herbergja íbúð á efstu hæð í 6 íbúða húsi með bílskúr og sérinngangi við Galtalind 16 í Kópavogi. Íbúðin er skráð alls 141,6  m2 að stærð. Eignin skiptist í forstofu, eldhús, stofu, hol, baðherbergi, 3 svefnherbergi, þvottahús og bílskúr með geymslu inn af. Útgengt er á svalir frá stofu og svefnherbergi með fallegu útsýni til suð-vesturs. Á jarðhæð er sameiginleg hjóla- og vagnageymsla. Samkvæmt FMR er íbúðarhlutinn 120,4 m2 ásamt 21,2 m2 bílskúr.

Nánari lýsing: 
Forstofa er með fataskáp og flísalögðu gólfi. 
Holið er rúmgott með ljósu viðarparketlögðu gólfi og innbyggðri gólflýsingu í tenglum.
Þvottahús með flísum á gólfi. Hvít innrétting með skolvaski, skáp og skúffum, tengi fyrir þvottavél og þurrkara í vinnuhæð. Opnanlegur gluggi.
Stofan er rúmgóð og rúmar einnig borðstofu. Útgengi út á stórar svalir með fallegu útsýni til suð-vesturs.
Eldhús með fallegri innréttingu með innbyggðum háum ísskáp, innbyggðri uppþvottavél og tækjaskáp. Tveir ofnar í vinnuhæð ásamt span helluborði með háf yfir. Borðplata úr kvartssteini frá S Helgasyni. Eldhús var endurnýjað árið 2022.
Hjónaherbergi er rúmgott með ljósu viðarparketi á gólfi. Útgengi út á stórar svalir. Inn af herberginu er fataherbergi með innbyggðri lýsingu og glerrennihurð. Fataherbergi var endurnýjað árið 2026.
Barnaherbergin eru bæði rúmgóð með fataskápum og ljósu viðarparketi á gólfi.
Baðherbergi með flísalögðu gólfi og veggjum, baðkar og sturta, innrétting með efri og neðri skáp, upphengt salerni og opnanlegir gluggar.
Bílskúrinn er með rafmagnshurðaopnara, hita, vatni og rafmagni, ásamt skolvaski og hleðslustöð fyrir rafbíl. Veggskápar og stór hvítur skápur með rennihurðum með góðu geymsluplássi.
Geymsla er inn af bílskúr með hillum og máluðu gólfi.
Búið er að skipta um allt gler í gluggum eignarinnar á síðustu árum og árið 2026 voru ofnar endurnýjaðir. Húsið var málað að utan árið 2023.

Glæsileg fjölskylduíbúð með fallegu útsýni, sérinngangi og bílskúr á frábærum stað í Lindahverfi í Kópavogi. Lindaskóli er staðsettur neðan við Galtalindina og leikskólinn Núpur þar við hliðina og því örstutt að ganga í skólana. Við skólann er stórt leiksvæði, með fótboltavelli og skólahreystibraut. Einnig er grænt svæði með gönguleiðum þar fyrir ofan. Stutt er í alla helstu þjónustu, þ.m.t. Versali en þar er sundlaug og íþróttafélagið Gerpla. Allar upplýsingar um eignina veitir Helga Pálsdóttir löggiltur fasteignasali í síma 822 2123 eða helga@fastlind.is