Múlasíða 24

Fasteignasalan Byggð 464-9955 - Einkasala

Múlasíða 24 

Mjög vel skipulögð fjögurra herbergja raðhúsaíbúð með sambyggðum bílskúr og frábærri timburverönd og vel hirtum garði sunnan við hús. Á lóðinni stendur góðurhús og lítill timburskúr. Eignin er samtals 141 fm. en þar af er bílskúr 30,8 fm. 

Eignin skiptist í forstofu, hol, eldhús, stofu, baðherbergi, þrjú svefnherbergi, þvottahús, geymslu og bílskúr.

Forstofa er með flísar á gólfi og góðum skápum. 
Hol er með parket á gólfi og í dag er hluti þess nýttur undir tölvuaðstöðu.
Eldhús er með flísar á gólfi, góð ljós innrétting með flísar milli efri og neðri skápa, stæði fyrir ísskáp og uppþvottavél og bakaraofn í vinnuhæð.
Stofa er með parket á gólfi og þaðan er útgengt út á timburverönd til suðurs. Aukin lofthæð er í stofu þar sem er innfelld lýsing. 
Baðherbergi er flísalagt í hólf og gólf, með hita í gólfum, góð innrétting í kringum vask, upphengt salerni, sturtuklefi steyptur að hluta og handklæðaofn.
Svefnherbergi eru þrjú, öll með parket á gólfi og fataskápum. 
Þvottahús er inn af forstofu með flísar á gólfi, þar er innrétting með stæði fyrir þvottavél og bakdyrainngangur. 
Geymsla sem í dag er nýtt sem skrifstofa er svo á milli þvottahúss og bílskúrs en eldvarnarhurð skilur rýmin að.

Bílskúr er með flísar á gólfi, rafmagnsdrifinni innkeyrsluhurð og tvær inngönguhurðir bæði á norður- og suðurhlið. Pappi á þaki bílskúrs.

Verönd sem snýr til suðurs er glæsileg með hlöðnum vegg, timburskjólveggjum með gleri og vel hirtu beði. Á lóðinni er einnig gróðurhús og lítill geymsluskúr sem fylgja. 

Annað:
-Upptekið loft á holi, í eldhúsi, stofu og á baðherbergi.
 -Í gróðurhúsi er hiti í gólfi og kalt vatn
-Leyfi fyrir sólskála sunnan við hús, hitalögn til staðar fyrir kyndingu
-Búið að skipta um alla ofnkrana
-Hitaveitugrind yfirfarin og breytt fyrir um 5 árum síðan
-Þak á íbúð endurnýjað 2021, pappi og járn. Sperrur og timburklæðning í lagi. 
-Þakkantur og rennur endurnýjaðar 2021
-Hiti í bílaplani fyrir framan bílskúr og í steyptri stétt sem liggur meðfram húsinu
-Stutt í leik- og grunnskóla, verslun og ýmsa þjónustu

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
olafur@byggd.is
greta@byggd.is
bjorn@byggd.is
berglind@byggd.is

Skipagötu 16 á 2. hæð.
S:464 9955