Vesturbakki 13M

ÁRBORGIR SELFOSSI S 482 4800 kynna:
Fullbúið endabil á góðum stað í Þorlákshöfn, tilbúið til afhendingar við kaupsamning.
Húsið er límtréshús klætt með lituðum yleiningum.
Stærð bilsins er 72m2 og skilast það tilbúið til notkunar skv skilalýsingu sem er hér að neðan. Góð lofthæð er í bilinu en mænishæð er um 7,5 metrar og er því möguleiki á að útbúa milliloft yfir hluta. Bilið er um 6,5m á breidd og því hægt að hafa tvo bíla eða hjólhýsi hlið við hlið inni. Innkeyrsluhurð er 4,35m að hæð og skilast með rafmótoropnun.
Möguleiki er á að kaupa samliggjandi bil og opna á milli.
Áhvílandi er  VSK- kvöð og þarf kaupandi að yfirtaka hana við kaupsamning.
Öll opinber gjöld eru greitt fyrir utan skipulagsgjald sem greiðst af kaupanda.
Nánari upplýsingar og bókið skoðun á skrifstofu Árborga.
arborgir@arborgir.is

Skilalýsing:
Sökklar: Sökklar eru steyptir og einangraðir að innan.
Gólfplata: Gólfplata er steypt og einangruð með gólfhita í. Neysluvatnslagnir eru lagðar skv. verkfræðiteikningum, rör í rör.
Útveggir / þak / þakkantur / burðarvirki: Allir útveggir og þak hússins eru úr yleiningum, samlokueiningar frá Kingspan. Burðarvirki er límtré. Litur klæðninga að utanverðu er RAL7016 og að innan RAL 9010. Þakkantur er einfaldur, stálklæddur í sama lit og þakefni með utanáliggjandi álrennum og niðurfallsrörum í sama lit.
Gluggar og hurðir: Iðnaðarhurðir eru frá Héðni og er hæðin 4,35 litur RAL 7016, og rafmótoropnun. Gönguhurðir og gluggar eru úr viðhaldsfríu PVC plasti með tvöföldu einangrunargleri. Litur RAL 7016.
Frárennslis og neysluvatnslagnir: Skólp‐ og regnvatnslagnir eru fullfrágengnar og tengdar fráveitukerfi í götu. Gólfniðurfall er fyrir innan allar innkeyrsluhurðir. Deilikistur fyrir neysluvatn frágengnar í hverri starfseiningu. Niðurföll af malbikuðum plönum frágengin og tengd fráveitukerfi.
Hitakerfi: Gólfhitakerfi sem er innsteypt í botnplötuna á járnagrind komið í hverja starfseiningu, deilikista með hringrásarkerfi tengd í hverri einingu. Kerfi stjórnað með handvirkum ofnloka. Slökkvitæki fylgir. Sér frádráttamælir fylgir hverju bili og er staðsett í inntaksrými.
Rafmagn: Aðaltafla með mælum fyrir hverja starfseiningu frágengin í inntaksrými. Greinatafla frágengin í hverri starfseiningu með einum þriggja fasa tengli við hliðina. Tenglar á nokkrum stöðum í hverri starfseiningu skv. grunnhönnun raflagnahönnuðar. Full lýsing (LED) í hverri starfseiningu skv. grunnhönnun raflagnahönnuðar sem uppfyllir viðkomandi reglur. Raflagnir lagðar í aðgengilegum kapalstigum, svo auðvelt er að breyta ljósum, slökkvurum, tenglum og slíku ef þurfa þykir. Útiljós við hurðir á hverri starfseiningu sem hægt er að stjórna frá viðkomandi einingu og tengist viðkomandi mæli (ekki sameign).
Lóð: Lóð er malbikuð.