Klettás 10

Fasteignasalan TORG kynnir: Fallegt og vel staðsett endaraðhús á tveimur hæðum við Klettás 10 í Garðabæ. Eignin er skráð 148,7 fm en húsið er heldur stærra þar sem efri hæðin er að hluta undir súð. Eignin skiptist í forstofu, gestasalerni, eldhús, stofu / borðstofu, baðherbergi, þrjú svefnherbergi og bílskúr. Í dag hefur bílskúr verið breytt í auka svefnherbergi, þvottahús og geymslu. Gengið er inn á hliðinni, hægra megin við húsið. Allar nánari upplýsingar veitir Darri Örn Hilmarsson, löggiltur fasteignasali, í síma: 767-0000 eða með tölvupósti: darri@fstorg.is 

Neðri hæðin:
Forstofa: Gengið er inn hæra megin við húsið. Komið er inn í teppa- og parketlagða forstofu.
Gestasalerni: Inn af forstofu er gestasalerni með snyrtilegri innréttingu, upphengdu klósetti og flísalagða veggi. Hiti er í gólfi.
Barnaherbergi I: Inn af forstofu er gengið upp í rúmgott unglingaherbergi með skápum, 2 gluggum og flísum á gólfi.
Þvottahús: Með innréttingu, skáp og skolvaski. Flísar á gólfi.
Bílskúr/geymsla: Inn af þvottahúsi er bílskúr/geymsla með hillum, fataskáp, heitu og köldu vatni. Flísar á gólfi. Bílskúrshurð er opnanleg. 
Eldhús: Eldhúsið er ný standsett, opið og rúmgott með fallegri nýrri innréttingu ásamt eyju frá KVIK innréttingum. Nýr stór innfelldur vaskur með nýjum blöndunartækjum. Nýtt Siemens extra boost spanhelluborð, nýr Siemens blástursofn, ný innbyggð AEG extra silent uppþvottavél og nýr stór innbyggður Samsung ísskápur með frystihólfum.
Búr/Geymsla: Inn af eldhúsi (undir stiga) hefur verið útbúið búr/geymsla með góðum geymsluhillum.
Stofa/Borðstofa:  Stofan og borðstofan er björt og opin með stórum gluggum í tvær áttir, Mammot harðparket á gólfi og hljóðsvistunarplötur á sjónvarpsvegg. Úr stofu er steinsteyptur stigi upp á efri hæðina.
Garðurinn: Út frá stofu er gengið út á hellulagða verönd sem snýr í suð/vestur. Garðurinn er afgirtur og skjólsæll. Góður geymsluskúr er í garðinum með rafmagni og lýsingu. 
 
Efri hæðin:
Stigahol: Upp á efri hæð hússins liggur teppalagður stigi. Nýlagt „kókosteppi“ (african spirit), gerviefni sem er barnvænt og sem er auðvelt að þrífa. Einnig var sett undirlag undir teppið til að auka mýkt og endingu.
Hol/Sjónvarpsrými: Tengir saman allar vistaverur á efri hæðinni. Hátt til lofts og innbyggð lýsing á hæðinni, parket á gólfi
Hjónaherbergi: Er rúmgott, að hluta undir súð og er með góðum fataskáp, parket á gólfi. Út frá hjónaherberginu er útgengt út á rúmgóðar vestur svalir með frábæru útsýni yfir Garðahraunið, Álftanesið og víðar.
Barnaherbergi II: Rúmgott barnaherbergi með mikla lofthæð og góðum fataskáp, parket á gólfi.
Barnaherbergi III: Rúmgott barnaherbergi að hluta til undir súð, gluggar í tvo vegu, parket á gólfi.
Baðherbergi: Er með hornbaðkari og sturtuaðstöðu, snyrtileg innrétting, nýr vaskur og blöndunartæki, upphengt klósett, þakgluggi og flísar á gólfi og veggjum.

Allar nánari upplýsingar veitir Darri Örn Hilmarsson, löggiltur fasteignasali, í síma: 767-0000 eða með tölvupósti: darri@fstorg.is