Sælundur 3

EINSTÖK STAÐSETNING NIÐUR VIÐ SJÓ!

Sælundur 3 ber nafn með réttu, hér er um að ræða Einbýlishús við sjóinn í blíðunni á Bíldudal þar sem er einstakt útsýni út á sjóinn, lækur rennur á lóðarmörkum og fjaran er hársbreidd frá húsinu.

* 5 Svefnherbergi
* 2 Baðherbergi
* Óhindrað útsýni er út á sjó
* Töluvert er af óskráðum fermetrum á efri hæð hússins.



Lýsing á eigninni;
Húsið er skráð 183.8 fm, þar af er neðri hæðin 132.2 fm og risið er aðeins skráð 51.6 fm.
Á neðri hæð er forstofa með korkflísum á gólfi. 
Rúmgóð stofa með óhinduðu útsýni út á sjó, stórir stofugluggarnir gefa eigninni einstakt yfirbragð. Útgengt er á skjólsælan sólpall frá stofu.
Eldhús og stofan hafa útsýni út á sjó, eldhúsið var endurnýjað fyrir nokkurum árum. Hvít eldhúsinnrétting með eikar borðplötu, gert er ráð fyrir uppþvottavél og ísskáp í innréttingu og fínn eldhúskrókur. Ljósar kork flísar eru á gólfi.
Þvottahús er inn af eldhúsi, þar eru auðvitað gluggar sem snúa einnig niður að sjó þannig að hægt er að njóta útsýnisinns áfram á meðan að gengið er frá þvottinum;) Í þvottahúsi er eldri innrétting þar sem gert er ráð fyrir þvottavél og þurkara í vinnuhæð.  Hægt er að ganga út úr þvottahúsi og út á lóð.
3 Svefnherbergi eru á neðri hæðinni. Hjónaherbergi er með skápum og barnaherbergin eru 2 á neðri hæðinni ( einnig eru 2 rúmgóð herbergi í risinu ásamt sjónvarpsholi/skrifstofu)
Baðherbergið var einnig endurnýjað fyrir nokkurum árum, fíbó plötur eru á veggjum, hornbaðkar og innrétting með vask og salerni.
Gestabað er einnig á neðri hæðinni, þar er handlaug, salerni og sturta.
- Timbur stigi er upp á efri hæð hússins, þar er að finna rými sem er að mörgu leyti óskrifað blað, þar er hátt til lofts yfir miðrýminu sem lækkar svo til beggja átta í súð sem er að mestu leyti ekki skráð í heildar fm hússins.
Efri hæðin telur mjög rúmgóða skrifstofu/svefnherbergi, rúmgott hol sem ætlað var að nýta sem sjónvarpshol ásamt öðru svefnherbergi. Þá er einnig rúmgóð geymsla á efri hæðinni. 
* Samkvæmt þjóðskrá íslands er efri hæðin aðeins skráð 51.6 fm en hún er töluvert stærri.


Þetta hús stendur á einstökum stað og það býður upp á ótal möguleika.