Verið í landi Spóastaða

CROISETTE kynnir í einkasölu einstakt sumarhús við bakka Brúarár í nokkurra mínútna akstursfjarlægð frá Skálholti.  Húsið er 165 fm og stendur á 1,5 hektara eignalóð og er algjörlega einstakt í hönnun og smíði.  Húsið er átthyrnt og stendur í brekku fyrir ofan Brúará með fallegu útsýni um nágrennið, er klætt með lerki og er umlukið stórum sólpalli til suðurátta. Gott baðherbergi, gestasalerni, tvö svefnherbergi, stór opin stofa og eldhús með glæsilegu útsýni og niðurgrafið kristilegt heilunarhof með glerþaki er meðal þess sem er að finna á eigninni.  Það er borhola á lóðinni og eignarréttur er 1/6 af öllu vatni endurgjaldslaust til eigin nota. Allar nánari upplýsingar veita Karl Lúðvíksson, löggiltur fasteignasali í s. 663-6700 eða kalli@croisette.is og Elín Auður Traustadóttir löggiltur fasteignasali í s: 858-0978 eða elin@croisette.is

SMELLTU HÉR TIL AÐ FÁ SÖLUYFIRLIT.

Nánari lýsing:
Stofa: Stór og björt með mjög góðri lofthæð, einstaklega fallegri hönnun á lofti, niðurlímd svört perlumöl frá Stokksnesfjöru á gólfi og stuðlaberg í þrepum, furuklæddir veggir.  Í miðju þakinu er glerturn sem setur mikin svip á húsið og flæðir birtu á mjög fallegan hátt niður í stofurýmið. Gólfhiti í öllu gólfi, lokað kerfi.
Eldhús: Snyrtlegt og rúmgott eldhús, innrétting með góðu skápa plássi.
Svefnherbergi I:  Gott svefnherbergi með sér salerni og handlaug. Furuklæddir veggir.
Gestaherbergi: Fallegt semetrískt herbergi, furuklæddir veggir. Svört perlumöl á gólfi með gólfhita.
Baðherbergi: Gott baðherbergi með sturtu, upphengdu salerni og haldlaug. Flísalagt með vönduðum flísum á gólfi og hluta veggja.
Gestarými úti: Flísar úr stuðlabergi á gólfi, átthyrnt glerþak í miðju þaks, íhvolft loft krossviðsklætt sem á eftir að klára frágang á, rekaviðsklætt að miðjum veggjum.  Er í dag kristilegt heilunarhof (hugver) en hægt að gera að gestaherbergi.

Umhverfis húsið er stór sólpallur, annar stór sólpallur er síðan aðeins frá húsinu fyrir ofan ánna og þar er gert ráð fyrir heitum potti og sturtu en undirstöður gera ráð fyrir að þar megi rísa hús, á pallinum við húsið verður heitur pottur í skemmtilegri upphækkaðri timburbyggingu en komin eru tengi fyrir heitt og kalt vatn, verkfærageymsla og möguleiki á að gera stóra setlaug á lóðinni með sírennsli af heitu vatni.  

Nánari upplýsingar veita: 
Karl Lúðvíksson, löggiltur fasteignasali í s. 663-6700 eða kalli@croisette.is 
Elín Auður Traustadóttir löggiltur fasteignasali í s: 858-0978 eða elin@croisette.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Croisette home fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
 - Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
 - Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
 - Lántökugjald lánastofnunar. Um lántökugjald vísast í gjaldskrá viðkomandi lánveitanda.
 - Umsýsluþóknun fasteignasölu skv. gjaldskrá.
 - Ef um nýbyggingu er að ræða greiðir kaupandi skipulagsgjald, 0,3% af væntanlegu brunabótamati, þegar það er lagt á.