Húsatóftir 1 með 24 hekturum

Elka lgf. s. 863-8813 og Fasteignasalan TORG kynna til sölu Húsatóftir 1C, 1D og 1E í Skeiða- og Gnúpverjahreppi
Einstök eign með glæsilegu útsýni, landi og fjölbreyttum möguleikum.
Um er að ræða samtals þrjú fastanúmer með íbúðarhúsi, landi og fjölbreyttum nýtingarmöguleikum. Heildarstærð lands er um 24 hektarar.
Ásett verð fyrir allar eignirnar saman er 114,9 millj. kr.
Nánari upplýsingar veitir Elka Guðmundsdóttir Fasteignasali, í síma 863-8813, tölvupóstur elka@fstorg.is.

Nánari lýsing;
Um er að ræða einstaklega fallega eign í grónu og friðsælu sveitarumhverfi þar sem náttúrufegurð, víðáttan og útsýnið setja sterkan svip á eignina. Frá húsinu og landinu er fallegt útsýni til fjalla, meðal annars til Heklu, Eyjafjallajökuls og nærliggjandi fjallgarða. Svæðið er rólegt og skjólgott og býður upp á einstaka möguleika fyrir þá sem vilja njóta sveitalífs, halda hesta eða þróa áfram búskap, ræktun eða aðra uppbyggingu.
Staðsetningin er afar góð þar sem stutt er í alla helstu þjónustu. Flúðir, Laugarás og Árnes eru í þægilegri akstursfjarlægð þar sem finna má verslun, skóla, þjónustu, veitingastaði og afþreyingu. Þá er sundlaug í Brautarholti í næsta nágrenni og svæðið allt þekkt fyrir náttúrufegurð og öflugt samfélag.

Húsatóftir 1C - Fasteignanúmer 220-1939
Um er að ræða steinsteypt einbýlishús byggt árið 2014, samtals 164,3 fm að stærð, staðsett á 1,2 hektara eignarlóð. Húsið er einangrað og klætt að utan og gólfhiti er í öllum rýmum nema geymslu.
Stórir gluggar og mikil lofthæð skapa bjart og opið rými þar sem náttúran fær að njóta sín til fulls inn í húsið.
Gengið er inn í húsið af sólpalli inn í rúmgóða forstofu. Þaðan er komið inn í stóra stofu og opið eldhús. Hæð til lofts er allt að 3,5 m. Stór gluggi er úr stofu í suðurátt með hurð sem gefur fallega tengingu út í garð og landið í kring.
Inn af eldhúsinu er sér þvottahús og geymsla við hliðina. Gengið er úr stofunni inn gang þar sem eru þrjú mjög rúmgóð svefnherbergi ásamt baðherbergi. 
Við húsið er skjólgóður sólpallur og fallegur gróinn garður með trjágróðri sem skapar einstaka stemningu í kringum eignina. Ræktaðar hafa verið um 1.000 trjáplöntur sem mynda skjól og fallegt umhverfi.
Húsatóftir 1C eiga hlut í borholu (hitaveitu) sem sér mörgum býlum fyrir heitu vatni og hefur því nægan aðgang að fríu heitu vatni til húshitunar og almennrar notkunar.
Húsatóftir 1D: Samtals um 2 hektara landareign. Landið liggur að Húsatóftum 1C og hentar afar vel fyrir hestamennsku, smábúskap eða frekari æktun. 
Húsatóftir 1E: Samtals um 20,8 hektara landareign með miklum möguleikum.  Landið er fallegt með einstöku útsýni yfir nærliggjandi sveitir, fjöll og náttúru. Hér gefst einstakt tækifæri til frekari uppbyggingar, ræktunar eða annarrar nýtingar eftir þörfum kaupanda.

Eignin í heild sinni býður upp á frábært tækifæri fyrir þá sem vilja njóta sveitalífs í fallegu umhverfi með landrými og fjölbreyttum möguleikum til framtíðar.

Nánari upplýsingar veitir Elka Guðmundsdóttir Fasteignasali, í síma 863-8813, tölvupóstur elka@fstorg.is.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:
  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.