Laugavegur 28A

Fasteignamarkaðurinn ehf. s: 570-4500 kynnir til sölu 7 herbergja gistiheimili með öllum leyfum og mjög góðum tekjumöguleikum í 137,0 fermetra fasteign á þremur hæðum, kjallara, hæð og ris, við Laugaveg 28a í Reykjavík.

Ástand eignarinnar er gott en hún var öll endurnýjuð árið 1999, þ.m.t. gler, gluggar, járn á húsi og þaki, þakrennur, niðurföll, útihurðir og allar lagnir. Vaskar eru í öllum herbergjum á 1. hæð og á rishæð. Eignin stendur á 177,0 fermetra eignarlóð og er aðkoma að húsinu bæði frá Laugavegi og frá Grettisgötu. 
Skv. upplýsingum frá fyrrum og núverandi eiganda hefur verið tekið jákvætt í það af hálfu byggingaryfirvalda að hækka húsið um eina hæð, en slík framkvæmd gæti bætt 3 herbergjum við eignina og aukið tekjumöguleika þó nokkuð.

Eignin hefur verið í góðum rekstri undir stjórn núverandi eiganda sl. 10 ár.
Eignin er einföld í rekstri með self check in kerfi og þrifum á húsi, líni og lérefti er útvistað til þriðja aðila.

Frábær staðsetning á rólegum stað í hjarta miðborgarinnar.

Eignin skiptist þannig:
Á 1. hæð hússins, sem er 53,8 fermetrar að stærð og með aukinni lofthæð eru:
Forstofa, flísalögð og með fatahengi. 
Miðrými, parketlagt og með ágætri eldhúsinnréttingu með tengi fyrir uppþvottavél og borðaðstöðu.
Tvö 2ja manna íbúðarherbergi, rúmgóð og parketlögð. 
Eitt eins manns íbúðarherbergi, parketlagt og rúmgott. 
Baðherbergi, linoleumdúklagt gólf, sturtuklefi og vegghengt wc. 
Ræstikompa, með vaski er undir innistiga.

Á efri hæð hússins, sem gengið er á um fallegan parketlagðan stiga frá miðrými 1. hæðar og er 46,3 fermetrar að stærð eru:
Miðrými, parketlagt og með útgengi á svalir til suðurs og vesturs. Í miðrými, sem er með kvistglugga auk útgengis á svalir, mætti útbúa baðherbergi.
2ja manna herbi, stórt, parketlagt og með tveimur stórum kvistum.  
1 manns herbergi, parketlagt og rúmgott með kvistglugga. 

Kjallari hússins, sem er 50,4 fermetrar að stærð, og er með sérinngangi af lóð skiptist þannig:
Forstofa: flísalögð og með fatahengi.
Miðrými, flísalagt og með glugga, lítilli eldhúsinnréttingu með vaski og fastri borðaðstöðu.  
Tvö 2ja manna herbergi, rúmgóð, flísalögð. 
Baðherbergi, rúmgott með glugga, flísalagt gólf, vegghengt wc. og sturtuklefi. 
Geymsla, flísalögð.

Húsið að utan lítur ágætlega út og var allt endurgert árið 1999, þ.m.t. járn á húsi og þaki, þakrennur, niðurföll, gler, gluggar, útihurðir o.fl.   

Sjá nánar inn á Booking.com. 

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is.