BYR fasteignasala kynnir KVÍABÓLSSTÍGUR 1 EFRI HÆÐ, 740 Neskaupstaður í einkasölu. Þriggja herbergja íbúð á efri hæð í tvíbýlishúsi, með sérinngangi. Möguleiki er á að kaupa einnig neðri hæð hússins, sjá nánar um neðri hæð hér.Ýtið hér fyrir staðsetningu. Skipulag eignar: Anddyri, stofa/borðstofa, eldhús, tvö svefnherbergi, baðherbergi, gangur og sameiginlegt inntaksrými/geymsla.
Nánari lýsing:
Anddyri með fatahengi, parket á gólfi, lúga er úr anddyri.
Stofa, borðstofa eru saman í rými, möguleiki á að loka á milli og útbúa svefnherbergi inn af stofu.
Eldhús með Brúnás innréttingu. Stálvaskur, eldavél og vifta, uppþvottavél, lakkaðar veggflísar á milli skápa.
Svefnherbergin eru tvö með harðparketi á gólfi.
Baðherbergi er inn af anddyri, flísalagt í hólf og gólf. Baðkar, salerni, vaskinnrétting, speglaskápur og handklæðaofn. Tengi er fyrir
þvottavél á baðherbergi.
Sameiginlegt lagnarými/geymsla er á neðri hæð hússins, þar er hitakútur hússins og geymslu rými með hillum. Rafmagnstafla íbúðar er á neðri hæð hússins. Efri hæð hússins hefur aðgang að lagnarými/geymslu í gegnum lúgu í anddyri íbúðar.
Húsið er tveggja hæða tvíbýlishús, staðsteypt með einhalla þaki. Stór gróinn garður, steyptur veggur er framan við hús að bílastæði eignarinnar. Möl er í bílaplani, pláss fyrir tvær bifreiðar.
Lóðin er sameiginleg leigulóð, lóðarleigusamningur til 50 ára frá árinu 2003.
Íbúðin er í útleigu, möguleiki er á að yfirtaka leigusamning sem er á eigninni. Skráning eignarinnar hjá Þjóðskrá Íslands (HMS):Stærð: Íbúð 87.0 m².
Brunabótamat: 32.000.000.- kr.
Fasteignamat: 24.600.000.- kr.
Byggingarár: Íbúð 1943
Byggingarefni: Steypa