Álfhólsvegur 15

RE/MAX kynnir í einkasölu: Virkilega falleg og björt 87,1 fm. þriggja herbergja íbúð með sérinngangi á 2. hæð í góðu fjórbýlishúsi við Álfhólsveg 15 Kópavogi. Húsið er byggt árið 2000 og hefur fengið gott viðhald.  Íbúðin er há til lofts og með einstaklega fallegu útsýni. Íbúðin sjálf er 79,3 fm. og skiptist í forstofu, opið rými, hjónaherbergi, barnaherbergi með rúmgóðu háalofti, eldhús sem er opið til borðstofu og stofu. Baðherbergi er með þvottaaðstöðu. Eigninni tilheyrir stigapallur/svalir til suðurs.  Geymsla er skráð 7,8 fm. Tvö bílastæði fyrir framan hús fylgja íbúðinni. 

Falleg og björt eign á vinsælum stað í Kópavogi. Stutt er í alla helstu þjónustu og samgöngur, matvörubúð, sundlaug, leik- og grunnskóla.  Einnig eru fallegar göngu- og hjólaleiðir í næsta nágrenni.

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

ATH fyrirhugað fasteignamat næsta árs er kr. 60.450.000,-

Nánari lýsing:
Forstofa er flísalögð með góðum fataskápum.
Svefnherbergin eru tvö, mjög rúmgóð og há til lofts. Parket á gólfum.  Í barnaherbergi er stigi upp á háaloft sem hefur mikla möguleika.
Eldhús er flísalagt með fallegri innréttingu, svartri borðplötu og góðu skápaplássi. Helluborð, vifta og nýlegur bökunarofn. Innfelld lýsing er í lofti. Borðstofa- og stofa er parketlögð, með stórum og björtum gluggum með einstaklega fallegu útsýni.  Baðherbergi er með sturtu, flísalagt í hólf og gólf, með fallegri innréttingu og góðu skápaplássi. Tengi er fyrir þvottaaðstöðu. Einnig er opnanlegur gluggi.
Stigapallur/svalir til suðurs er við sérinngang íbúðarinnar, um 13 fm. að stærð og er séreign íbúðar.
Bílastæði eru vel staðsett fyrir framan hús, tvö stæði fylgja íbúð.
Lóð: Falleg lóð og hellulögð stétt er í kringum húsið. Hiti undir stéttum og nýlega búið að setja sjálvirka lýsingu.

Eignin hefur fengið gott viðhald, húsfélag er virkt og gott samstarf. Útihurðir og gluggar voru nýlega pússaðir upp og málaðir að utan, settir állistar þar sem þörf var á. Einnig var húsið sprunguviðgert að utan og sett nýtt handrið.
Innan íbúðar voru settar nýjar innihurðir 2021 og parket pússað upp og lakkað sama ár. Ofnar nýlega yfirfarnir og sett ný hitastýring eftir þörfum. Engar framkvæmdir eru fyrirhugaðar á vegum húsfélags.

Nánari upplýsingar gefur Guðrún Lilja Tryggvadóttir, löggiltur fasteignasali í síma 867-1231, gudrunlilja@remax.is

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana. 
4. Umsýslugjald til fasteignasölu kr. 69.900 mvsk.