Skógarvegur 14

Valborg fasteignasala kynnir: Glæsileg 4ra herbergja íbúð á 3. hæð ásamt stæði í bílgeymslu með rafhleðslu og yfirbyggðum góðum suðursvölum í lyftuhúsi við Skógarveg í Reykjavík. Húsið er álklætt og viðhaldslétt. Íbúðin er sérlega björt og efnisval á tækjum og innréttingum er sérlega vandað. Tvö baðherbergi eru í íbúðinni. Vandaðar innréttingar frá HTH í eldhúsi, baðherbergjum og fataskápum. Góð AEG tæki í eldhúsi. Frábær staðsetning þar sem stutt er í alla þjónustu.

Íbúðin skiptist í stofu, eldhús/borðstofu,hjónasvítu með fataherbergi og baðherbergi, tvö barnaherbergi, þvottahús og gestasnyrtingu.

Samkvæmt HMS er eignin er skráð 160,9 fm þar af geymsla 8 fm.

Nánari lýsing
Forstofa: Innfelldir hvítir fataskápar
Stofa: Björt og stór stofa með gólfsíðum gluggum við svalir. Innfelld ljós í lofti. Útgengt út á rúmlega 13 fm yfirbyggðar og  flísalagðar suður svalir með góðu útsýni.  
Eldhús: Glæsileg ljós HTH innrétting með kvarts á borðplötum, innfelldur vaskur með einnar handar blöndunartæki. Stæði fyrir uppþvottavél.  Eldunareyja með spanhelluborði og öflugum fjarstýrðum gufugleypi þar fyrir ofan.  Vönduð AEG tæki, mikið skápapláss og góð vinnuaðstaða.  
Þvottahús/búr: Til hliðar við eldhús og með góðu skápaplássi.
Baðherbergi:  Hvítar flísar á gólfi og veggjum. Ljós innrétting með kvarts á borðplötum. Góð sturta með glerhurð. 
Hjónasvíta:  Rúmgott hjónaherbergi. Fataherbergi með fallegum og góðum hirslum. Baðherbergi með flísum á veggjum og gólfi.  Baðkar með glerskilrúmi. Sturta með glerhurð. Stór skápainnrétting undir handlaug sem er innfelld ofan í kvartsborð og speglaskápur þar fyrir ofan.  Handklæðaofn fyrir framan baðkar.
Svefnherbergi I: Bjart 12 fm með fataskáp
Svefnherbergi II: Bjart 9 fm.
Geymsla: 8 fm geymsla í kjallara sameignar
Bílastæði: Vel staðsett í lokaðri bílgeymslu undir húsi. Rafhleðsla. Sérmerkt íbúðinni.
Hjóla- og vagnageymsla á sömu hæð.  Sameign er öll hin snyrtilegasta.  

Húsið er klætt að utan með sléttri og báraðri álklæðningu auk þess sem hluti útveggja er með viðarklæðingu.  Gluggar eru álklæddir timburgluggar, útihurðir eru ál/timbur hurðir.  Ál anddyrishurðir eru rafdrifnar, innri anddyrishurðir og hurðir úr bílageymslu að stigahúsum eru með lyklalausu aðgengi. 

Frábær staðsetning þar sem stutt er í allar áttir og í mikilli nálægð við flottar göngu og hjólaleiðir niður að Fossvogi og að ylströnd og Öskjuhlíð.

Nánari upplýsingar veitir:
Maria Guðrún Sigurðardóttir viðsk.fræðingur og löggiltur fasteignasali, í síma 820 1780, tölvupóstur maria@valborgfs.is


Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.