Skaftahlíð 8

Falleg 5 herbergja íbúð við Skaftahlíð 8 í Hlíðunum til sölu.
Tvær stórar bjartar stofur með útgengi á svalir með útsýni að Hallgrímskirkju.
Þrjú svefnherbergi og baðherbergi með glugga. Íbúðin er alls 125,2 fm, þar af er sérgeymsla í kjallara 6 fm.
Íbúðin er einstaklega vel staðsett í Hlíðunum í nágrenni við Kjarvalsstaði og paradísina sem Klambratúnið er.
Þá er stutt í miðbæinn, verslun og þjónustu sem og almennings samgöngur, skóla og leikskóla.

Nánari lýsing
Inngangur, komið er inn í hol með stórum innbyggðum skáp.
Eldhús er með ljósri innréttingu og tveim stórum gluggum.
Frístandandi eyja með nýju Siemens gashelluborði. Nýr Siemens veggofn í innréttingu.
Innbyggð Electroloux uppþvottavél frá 2023 fylgir með.
Í innréttingu er aðstaða fyrir þvottavél og þurrkara.
Fallegar glerdyr með gluggum til hliðar aðskilja eldhús frá borðstofu og stofu.
Núverandi eigendur hafa í dag tekið glerhurð og sett í geymslu.
Eldri stór Samsung ísskápur getur fylgt með.
Stofa og borðstofa eru í opnu rými með stórum gluggum og útgengi á svalir.
Svefnálma/gangur er með innbyggðum fataskáp með rennihurðum.
Þrjú svefnherbergi, hjónaherbergi með innbyggðum skápum og útgengi á sömu svalir
og eru með útgengi frá stofu, tvö barnaherbergi og er annað með skáp.
Baðherbergi er með glugga upphengdu salerni, handklæðaofni og baðkari.
Flísalagt í hólf og gólf með 60 cm náttúruflísum úr Álfaborg.
Ikea innrétting og baklýstur hringspegill.
Sérgeymsla í kjallara sem og þvottahús, þurrkherbergi og hjólageymsla.
Þá er sameiginlegt gufubað með sturtuaðstöðu í kjallaranum.
Íbúðin er öll parketlögð fyrir utan eldhús sem er með dúk og baðherbergi sem er með flísum á gólfi.

Húsfélag
Í húsinu er starfrækt virkt húsfélag en Eignaumsjón sér um almennan rekstur.
Ráðist hefur verið í umtalsverðar framkvæmdir á undanförnum misserum.
Árið 2022 var skipt um teppi í stigagangi og hann málaður.
Á árunum 2022-2023 var gerð ástandsskýrsla og ráðist í framkvæmdir á ytra byrði auk gluggaskipta í kjölfarið.

Mjög góð og vinsæl staðsetning í Hlíðunum, stutt í allar áttir.

Allar frekari upplýsingar veita Sigríður Jónasdóttir löggiltur fasteignasali í síma 661-4141 eða gegnum tölvupóstfangið sigridur@bjarturfasteign.is