Austurmörk 2 - KJÖT OG KÚNST

BYR fasteignasala kynnir AUSTURMÖRK 2 - KJÖT OG KÚNST í VEISLUHÖLLINNI, 810 Hveragerði. Kjöt og Kúnst, veitingastaður, fullbúið eldhús, veisluþjónusta og matvælaframleiðsla þar sem hvera orkan er orkugjafinn, fullt framleiðsluleyfi og dreifingarleyfi.
Húsið stendur við Austurmörk sem er aðalgata bæjarins, sérbílastæði eru við húsið með aðstöðu fyrir 20 fólksbíla og 2 langferðabifreiðar.
Einstakt tækifæri til að eignast eign í hjarta Hveragerðis með mikla framtíðarmöguleika. Ýtið hér fyrir staðsetningu. 
Austurmörk 2 er eitt hús sem samanstendur af þremur fastanúmerum 220-9814, 220-9815 og 220-9816, samtals er birt flatarmál þeirra 354 m² samkvæmt skráningu Þjóðskrár Íslands.

Húsnæðið er á tveimur hæðum;
Neðri hæð 168 m². Veitingastaður, salur með sæti fyrir 100 manns, fullbúið hefðbundið eldhús, ásamt veisluþónustu og matvælaframleiðslu þar sem hvera orkan er orkugjafinn.
Þrír inngangar eru á neðri hæð hússins, tvö salerni þar af eitt fyrir hreyfihamlaða, bar og fullbúið vottað framleiðslu eldhús ásamt úti gufueldhúsi og lítilli sjálfsafgreiðsluverslun.
Efri hæð 170 m². Veitingasalir til útleigu, 3 salir sem hægt er að tengja saman ef vill. 30 gesta, 50 gesta og 76 gesta salir, fullbúin rými með öllu tilheyrandi fyrir veislur og fundarhöld. Frábært útsýni er í allar áttir.
Tvö salerni og geymsla. Möguleiki er á að breyta efri hæð í 1-2 íbúðir.
Sjálfsafgreiðsluverslunin "Litla Hverabúðin" fylgir eigninni. 40 útisæti. 
Brunakerfi er nýuppsett í húsnæðinu. Leyfi var komið fyrir svölum á efri hæð. Allir salirnir eru með harðparketi á gólfi, einstök hljóðvist er í sölunum (ekkert bergmál).

Kjöt og Kúnst hefur verið vinsæll áningastaður sem býður meðal annars uppá Hverahlaðborð fyrir pantaða hópa, þar sem allt sem framleitt er í eldhúsinu er eldað á hveragufunni. 
Framleiðslueldhús er á staðnum, veitingar eru seldar á staðnum til hópa og til annarra veitingastaða eða í litlu Hverabúðinni. Þar hefur verið meðal annars selt brauð, salöt, súpur og kökur, allt búið til með gufuafli. 
Salirnir í húsnæðinu hafa verið nýttir fyrir hópa til dæmis frá skemmtiferðaskipum, veislur, fundi og ráðstefnur þar sem salir eru leigðir með eða án veitinga. Fyrir hendi er í húsnæðinu allt sem til þarf.

Miklir möguleikar eru í rekstri í húsinu, mikið er um bókanir framundan bæði í veislur og salarleigu. Litla Hverabúðin við húsið hefur lika slegið í gegn á meðal vegfaranda. 
Tilvalið tækifæri til að vera með til dæmis veisluþjónustu, matsölustað, bistro, bar og/eða kaffihús á neðri hæðinni og salaleigu áfram á efri hæð fyrir veislur, fundi og ráðstefnur. 

Vala Matt fjallaði um Veisluhöllina í þættinum Ísland í dag, -SJÁ HÉR: ,,Minnsta matarbúð Íslands og stólað á heiðarleika!"

Eigandi skoðar skipti, ekkert áhvílandi. Möguleiki er á að fá að byggja við húsið, byggingareitur er ekki að fullu nýttur.