Hulduborgir 1

RE/MAX og Guðrún Lilja löggiltur fasteignasali kynna í einkasölu: Einstaklega falleg, björt og töluvert endurnýjuð fjögurra herbergja 129,2 fm. endaíbúð með sérinngangi á 2. hæð ásamt bílskúr í góðu fjölbýlishúsi á eftirsóttum stað við Hulduborgir 1, Grafarvogi. Íbúðin er skráð 97,9 fm. og skiptist í forstofu, eldhús, rúmgóða borðstofu og stofu, svalir til suðurs, þrjú svefnherbergi, baðherbergi og þvottahús er innan íbúðar.  Bílskúr er skráður 31,3 fm. með góðu geymslurými fyrir innan, ath. hluti geymslu eru óskráðir fm. Til norðurs er einstakt útsýni til sjávar og fjalla.

Góð og fjölskylduvæn staðsetning m.a. í nálægð við skóla og leikskóla, alla helstu þjónustu, samgöngur og fallega náttúru.  

KÍKTU Í HEIMSÓKN OG SJÁÐU EIGN Í 3D MEÐ ÞVÍ AÐ SMELLA HÉR

FÁÐU SÖLUYFIRLIT MILLILIÐALAUST MEÐ ÞVÍ AÐ SMELLA HÉR

** BÓKIÐ EINKASKOÐUN ** Upplýsingar veitir Guðrún Lilja í síma 867-1231 eða með tölvupósti á netfangið gudrunlilja@remax.is

Nánari lýsing:
Forstofa er með fataskáp og flísum á gólfi. Inn af forstofu er þvottahús með skolvaski.
Eldhús er nýlega endurnýjað með fallegum hvítum innréttingum, flísar eru á milli skápa.  Spanhelluborð með viftu, bökunarofn og örbylgjuofn í vinnuhæð, vínyl-flísar á gólfi. Úr eldhúsi er útgengt út á rúmgóðar 13,4 fm. svalir til suðurs.
Borðstofa og stofa er í stóru og björtu rými með einstöku útsýni til sjávar og fjalla. 
Svefnherbergin eru þrjú, öll mjög rúmgóð og björt.  Úr hjónaherbergi er jafnframt útgengt út á svalir. Harðparket á gólfum.
Baðherbergi er nýlega tekið í gegn, með fallegum og stílhreinum innréttingum, góðu skápaplássi og speglaskáp með lýsingu. Sturta með glerþili og handklæðaofn. Gólf er flísalagt og veggir að mestu.
Bílskúr er skráður 31,3 fm. með mjög góðu geymslurými fyrir innan, ath. hluti geymslu eru óskráðir, um 6,6 fm. Hiti, rafmagn og skolvaskur til staðar.
Bílastæði einnig sameiginleg fyrir framan hús með hleðslustöð fyrir rafmagnsbíla.
Falleg aðkoma er að húsinu og snyrtileg sameign.  Sameiginleg hjóla- og vagnageymsla er á fyrstu hæð.

Framkvæmdir og viðhald síðustu ára:
2024-2025 skipt um glugga og gler að hluta.
2023 voru sett ný gólfefni og hurðar frá Birgison.
2021-2022 var eldhús endurnýjað. Einnig var þak og hús yfirfarið og málað.
2018 var baðherbergi endurnýjað en skipt um baðinnréttingu 2025.
Ofnar hafa verið yfirfarnir og skipt um þá að hluta.

Gjöld sem kaupandi þarf að standa straum af vegna kaupanna:  1. Stimpilgjald af kaupsamningi - 0,8%(einstaklingar) 1.6% (lögaðilar) af heildarfasteignamati.   2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.  3. Lántökugjald lánastofnunar - almennt 45-75 þús.kr. Nánari upplýsingar á heimasíðu lánastofnana.   4. Umsýslugjald til fasteignasölu kr. 69.900 mvsk.