Dranghólar 19

ÁRBORGIR SELFOSSI S 482 4800 kynna í einkasölu:
Fallegt vel skipulagt einbýlishús í eftirsóttu hverfi á Selfossi.
Húsið er steypt múrað og málað að utan, þak er klætt með bárujárni. Heildarstærð hússins er 204,6m2 og er sambyggður bílskúr 37,8m2 þar af.
Að innan skiptist eignin í forstofu, gestasnyrtingu, þvottahús, baðherbergi 4 svefnherbergi, sjónvarpshol, stofu og eldhús auk bílskúrs.
Flísar eru á gólfi í forstofu, þar er góður fataskápur og lúga uppá geymsluloft. Gestasnyrting er innaf forstofu og er hún flísalögð. Baðherbergið er flísalagt bæði gólf og veggir, þar er góð innrétting, baðkar og hurð út á sólpall. Herbergin eru parketlögð, fataskápar eru í tveim þeirra og innaf hjónaherbergi er fataherbergi. Parket er á gólfi í sjónvarpsholi, borðstofu og stofu, í stofu er upptekið loft og hurð út á sólpall. Gert er ráð fyrir kamínu í stofu. Eldhúsið er bjart, parket er á gólfi og þar er stór sérsmíðuð innrétting.
Málað gólf er í þvottahúsi og þar er hurð út. Bílskúr er klæddur og málaður, gólf er málað en geymsluloft er yfir hluta skúrsins.
Steyptur sólpallur með skjólveggjum og heitum potti er á baklóð, lóðin er gróin og snyrtileg, mulningur er í innkeyrslu.
Nánari upplýsingar á skrifstofu Árborga.