Grettisgata 53b og 55a

Um er að ræða heila húseign með sex 2ja herbergja íbúðum auk geymslna, samtals 245,8 fermetra.  Eignin er skráð sem íbúðarhúsnæði en starfar sem gistiheimili/íbúðarhótel og er með gistileyfi í flokki II. Einnig er sami eigandi með Grettisgötu 55a sem er parhús með tveim íbúðum, 46,7 fm hvor, saman 93.4 fm. 

Samtals eru eignirnar því 339.2 fm. En einnig er möguleiki að kaupa í sitthvoru lagi.

- 2010 var stóra húsið tekið í gegn
- 2025 var allt málað að innan og húsgögn endurnýjuð

Um er að ræða virkilega fallegt og hlýlegt nýlega uppgert 6 íbúða heila húseign, sem var að öllu leyti endurbyggð árið 2010, á virkilega rólegum og góðum stað í hjarta miðborgarinnar. Svalir eru á 4 íbúða hússins. Íbúðirnar skiptast í hol, eldhús, stofu, svefnherbergi og baðherbergi. Sameiginlegt þvottaherbergi er fyrir íbúðirnar. Íbúðirnar eru allar fullbúnar húsgögnum og húsbúnaði og getur það allt fylgt með í kaupunum. Geymslur og sameiginlegt þvottaherbergi eru í sér húsi á lóðinni.

Árið 2010 var húsið allt endurbyggt. Þá var m.a. skipt um þak, þakrennur, niðurföll, klóaklagnir undir húsi og út í brunn, neysluvatnslagnir, ofna og ofnalagnir, raflagnir og töflur, gler og glugga og húsið viðgert og málað að utan. Hið innra var húsið allt innréttað árið 2010 og er í góðu ástandi. Staðsetning eignarinnar er virkilega góð á rólegum stað á baklóð við Grettisgötu og hitalagnir eru undir gangstétt upp að húsinu.
1 og 2 hæð voru sprautaðar 2025 með Prima Clean (eins og sjúkrahúsin nota) sem auðvelda þrif.

Eignin er á einu fastanúmeri í dag en ljóst er að hægt væri að fá sér fastanúmer á íbúðir í húsinu eins og var áður auk þess sem mögulegt er að vera að fá 6. íbúðina samþykkta af byggingaryfirvöldum með tiltölulega lítilli fyrirhöfn og kostnaði. Það sem er til sölu er rekstur gistiheimilis í 101 Rvk með tilskildum leyfum.