Álfheimar 26

Falleg og björt, vel skipulögð 3 ja herbergja íbúð á eftirsóttum stað í Laugardalnum.
Húsið og íbúðin er mikið endurnýjuð á síðustu árum.

* Nýtt þak 2025
* Einstök staðsetning
* Allir gluggar endurnýjaðir 2026
* Baðherbergið tekið algjörlega í gegn 2023
* Nýjar innihurðir og nýtt parket.

Nánari upplýsingar
Inga Reynis lgf í síma 820-1903,  inga@palssonfasteignasala.is 

Eignin er skrá samkvæmt Þjóðskrá Íslands 79.5 fm og þar af er sérgeymsla 4.4 fm.

Eignin skiptist í forstofu, hol, stofu/borðstofu með útgengni á suðurvestur svalir, eldhús, tvö svefnherbergi og baðherbergi.
Forstofa er með opnu fatahengi og parket á gólfi.
Eldhús er á hægri hönd þegar komið er inn í íbúð. Viðarinnrétting sem er ný lökkuð með ljósum lit og settar svartar höldur á tveimur veggjum. Innbyggð uppþvottavél fylgir og bakaraofn í vinnuhæð. Í innréttingu á öðrum veggnum er aðstaða og tengi fyrir þvottavél og þurrkara. Parket og hiti á gólfi.
Stofa er björt með útgengni út á suðursvalir. Parket á gólfi.
Hjónaherbergi er rúmgott með nýjum fataskáp frá Fríform og parket á gólfi.
Barnaherbergi er með viðarfataskápum og parket á gólfi.
Baðherbergi var algjörlega endurgert af fagaðilum, settar fallegar spænskar flísar frá Álfaborg í hólf og gólf.

Sameiginleg hjóla- og vagnageymsla er í kjallara auk sameiginlegrar þvottaaðstöðu og kyndiklefa.

Helstu framkvæmdir síðustu ár að sögn seljenda.
Íbúðin :
Haust 2021: Eldhúsinnrétting lökkuð í ljósum lit og höldur lakkaðar svartar
Febrúar 2023: Gólf flotað að hluta, þröskuldar fjarlægður og lagt hljóðeinangrandi undirlag og nýtt parket á alla íbúðina.
Mars 2023: Sett nýjar hurðar og hurðarkarma.
Apríl 2023: Baðherbergi gert fokhelt og endurnýjað að öllu leyti, veglegar flísar frá spænska merkinu Porcelanosa úr Álfaborg lagðar á gólf og veggi. Allt verkið var framkvæmt af fagmönnum frá fyrirtækinu G-verk. 
Maí 2023: Sett upp ný fataskápainnrétting frá Fríform í hjónaherbergi.
Ágúst 2023: Sérsaumaðar gardínur ásamt braut sett upp í stofu. Stendur til boða fyrir væntanlega kaupendur að kaupa þær á sanngjörnu verði.

Húsið :
Farið var í yfirgripsmiklar framkvæmdir á ytra byrði hússins sem hófust vorið 2025 í kjölfar ástandsskoðunar og skýrslu sem var gerð af fyrirtækinu Verksýn og munu framkvæmdirnar klárast fyrir sumarið 2026. Fyrirtækið Vernd og viðhald fasteigna hefur verið eftirlitsaðili framkvæmdanna á meðan þeim stendur.
Nóvember 2022: Skólp og lagnir myndaðar og metnar í góðu standi
Ágúst 2024: Hús sprunguviðgert
Maí-Júní 2025: Þak algjörlega endurnýjað, nýtt járn, endurnýjun þaksperra, endurbætt loftun um þak, nýjar þakrennur og þakkantar. 
Maí-september 2025: Ytra byrði blokkar múrviðgert
Júlí-ágúst 2025: Húsið málað.
September 2025: Tröppur að hjólageymslu og trappa fyrir utan útidyrahurð múraðar
Október 2025: Svalagólf bollaslípað og stendur til að mála gólfið með epoxy vor 2026 (innifalið í yfirstandandi framkvæmdum)
Nóvember 2025: Útidyrahurð í þvottahús og hjólageymslu endurnýjuð.
Febrúar 2026: Öllum gluggum skipt út innan íbúðar og sett ný svalahurð.
Mars 2026: Keyptar tvær hleðslustöðvar og fyrirhuguð uppsetning á bílastæðinu er í mars

Einstök staðsetning , Langholtsskóli í tveggja mínútna göngufæri og það þarf ekki að fara yfir götu, fjórir leikskólar í göngufæri,
Álfheimakjarninn sem er með bakaríi, kjörbúð og ísbúð í tveggja mínútna göngufæri og svo Glæsibær í 5 mínútna göngufæri með fjölbreytta þjónustu eins og Nettó, bakarí, líkamsræktarstöð, fjölbreytt tannlækna og læknaþjónusta og apótek. Svo er Laugardalurinn með öllu sínu beint við hliðina á þar sem er m.a. frisbígólfvöllur, grasagarðurinn, fjölskyldu og húsdýragarðurinn og leikvellir víða. Svo er öflugt íþróttastarf í Þrótti og Ármanni í hverfinu.

Álfheimar 26 er fimm hæða fjöleignahús með 15 íbúðum. Húsið er hluti að fjölbýli við Álfheima 26-30 sem eru þrír matshlutar, en alls eru 38 íbúðir í heildar fjölbýlinu. Sameign er öll hin snyrtilegasta og eru þrif á sameign eru inni í húsfélagsgjaldi. Lóðin er í sameign og aðkoman að húsinu er góð, snjóbræðsla er í hellulögn fyrir framan og með fram húsi og garður umhverfis húsið er snyrtilegur og vel hirtur. Næg Bílastæði eru bæði framan við hús og við austurenda hússins.