Austurvegur 18

Eitt af vinsælustu gistihúsunum á Austfjörðum og á Seyðisfirði, ásamt viðskiptavild gistiþjónustu.
„Nánast fullbókað frá 1. feb. 2026 og fram á haust, í gistingu.“

Um er að ræða sex íbúðir, ásamt þvottahúsi á neðri hæð. Samtals 194,10 fm.
Gott sér bílaplan og bílastæði í kringum húsið.

Sex herbergja íbúð er á efri hæð sem hægt er að kaupa með að auki og 84,2 fm verslunarrými á 1. hæð. 

Gistiíbúðir:  Sex snyrtilegar og notalegar stúdíó íbúðir sem auðvelt er að þrífa og halda við. Fjórar íbúðir snúa að götu, en tvær að ofanverðu. Önnur þeirra hentar vel fyrir fatlaða og er helmingi stærri en hinar. Gott eldhús og bað í hverri íbúð. Rúm og lín fylgir með ásamt eldhúsáhöldum. 
Öll þvottaaðstaða er á staðnum með tækjum í sér rými.
Bæta má við þremur íbúðum í verslunarrýmið, ef það er keypt með, sem eykur gistigetu til muna. Þá verða samtals níu íbúðir á neðri hæð. 

Á öllum gólfum er lagt í með epoxyefni, múrað upp á veggi í kverk sem er gott að þrífa. Í loftum eru þiljur ásamt halogenlýsingu. 
Í hverri íbúð er eldhúsinnrétting úr við, neðri og efri skápar með eldhúsvask í borði. Helluborð með háfi yfir. Flísar á milli skápa, örbylgjuofn, ísskápur, ásamt kaffikönnu, brauðrist og tilheyrandi áhöld í eldhúsi, fylgja með.
Borðstofupláss er við glugga, með borðstofuborði og stólum. Þar er útsýni út á sjóinn og til fjalla. 
Rúmgott bað er allt flísalagt á veggjum, múrað í gólf og sturtubotn, þröskuldalaust. Þar er loftdæla út, handklæðaofn á vegg. Vaskur í innréttingu, speglaskápur og hengi. Rúmgóð sturta er aðskilin með gleri. 
Gott rými með tvennum til þrennum hótelrúmum og með tilheyrandi líni.
Forstofa með hengi, sem gengið er inn af sérinngangi, af verönd sem snýr út að sjó.
Hver íbúð er fyrir fjóra einstaklinga og ein með fyrir sex til 24 gesti. 
Lyklabox er við hverja útihurð. 

Íbúð nr. 6 er að ofanverðu og er tvöfalt stærri en hinar. Meira rými í stofu, bað stærra og eldhús, sem er gerð fyrir fatlaða og er hugsuð sem fjölskyldu íbúð. Aðgengi fyrir hjólastóla og allt rýmra, sem hentar einnig stærri fjölskyldum. Þar er gott tvíbreitt rúm, ásamt tveimur 90 cm rúmum, auk svefnsófa. Íbúð fyrir sex manns. 
Þvottahús er í enda hæðarinnar að ofanverðu. Þar er tæknirými. Rúmgóð lóð, næg bílastæði allt um kring og verandir eru að framan við íbúðir. 

Í vestari enda neðri hæðar er auðvelt að innrétta þrjár stúdíóíbúðir með sambærilegum hætti og hinar á hæðinni, með sérinngangi. Það eykur gistigetu til muna, sem eftirspurn er eftir. 
Þar eru verslunarinnréttingar, með tilheyrandi. Allt gólfefni með epoxyefni. Afgreiðsla, skrifstofa og geymsla/lager er inn af verslunarrými. Eldhús og skrifstofurými inn af. Aðalinngangur er frá götu en ganga má inn að ofanverðu líka. Einnig má opna frá hlið. 

Rúmgóð lóð er umhverfis húsið, næg bílastæði og einkastæði fyrir hverja íbúð. 
Húsið er „vel í sveit sett“ og stendur við aðalgötu bæjarins. Húsið stendur við neðstu götu við sjó og er ekki á skilgreindu flóðasvæði. 

Hægt er að kaupa rúmgóða íbúð á efri hæð og gera gistiaðstöðu úr henni, með sex til átta herbergjum. Þar er stórt eldhús og tvö baðherbergi.