Kjarnagata 61 íbúð 306

Fasteignasalan Hvammur 466 1600

Rúmgóð 3ja herbergja íbúð í nýlegu lyftuhúsi með sérinngangi af svölum og með stæði í bílageymslu við Kjarnagötu 61 - 104,5 m² að stærð.

Íbúðin skiptist í forstofu, tvö svefnherbergi, baðherbergi, eldhús og stofu í einu alrými og rúmgóða geymslu í kjallara auk stæðis í bílageymslu.

Forstofan er með flísum á gólfi og góðum fataskápum.  Inngangur í íbúðina er að austanverðu, sérinngangur af svölum með glerlokun.
Stofan og eldhúsið eru í rúmgóðu alrými með harðparketi á gólfi og vandaðri innréttingu með góðu skápa og vinnuplássi.  Útgangur er á svalir úr stofu og þaðan er skemmtilegt útsýni enda opið svæði vestan við húsið.
Svefnherbergin eru tvö, bæði með harðparketi á gólfi og fataskápum.
Baðherbergið er með flísum á gólfi og veggjum, góðri innréttingu, sturtu og upphengdu klósetti.
Þvottahús er innan íbúðar og þar eru flísar gólfi, góð innrétting með vaska og stæði fyrir þvottavél og þurrkara.  Gott skápapláss og m.a. stakur skápur til viðbótar við þvottahúsinnréttingu.  Þvottahúsið er rúmgott og á því er opnanlegur gluggi.
Geymsla er í kjallara og er hún rúmgóð, eða 11 m² að stærð og í geymslunni er rafmagnstengill.  Góð hjóla- og vagnageymsla er einnig í kjallara með sér inngönguhurð.
Bílageymslan í húsinu er mjög snyrtileg, stæðið er vel staðsett við hliðina á stigaganginum.  Þvottaaðstaða er í bílageymslu.

Annað:
- Ljósleiðari er kominn inn og tengdur.
- Innréttingar eru allar dökkar að lit frá HTH og harðplast er á borðplötum.
- Innihurðar eru sprautulakkaðar hvítar 
- Gólfhiti er í allri íbúðinni.
- Allir gluggar og hurðir eru með tvöföldu sólstopp gleri.
- Svalagangar eru hellulagðir með gúmmíhellum og þar er snjóbræðslukerfi.
- Stéttar við innganga eru steyptar og með snjóbræðslu og einni er snjóbræðsla í gangstétt framan við húsið.
- Mjög snyrtileg sameign - fjölbýli með sérstaklega góðu aðgengi.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.