Frostaskjól 115

Borg fasteignasala kynnir glæsilegt og einstaklega vel skipulagt 293,9 fm raðhús á þremur hæðum auk risrýmis og bílskúrs við Frostaskjól 115 í Reykjavík. Eignin hefur verið mikið endurbætt á undanförnum árum og er björt og rúmgóð með góðum svefnherbergjum, fallegum stofum með arni og skjólgóðum garði. 
Húsið hentar sérstaklega vel fyrir stóra fjölskyldu enda býður það upp á rúmgóðar stofur og fjölskyldurými, fjögur svefnherbergi á efri hæð, aukaherbergi og góð rými í kjallara ásamt stóru risrými. Bílskúr fylgir eigninni.

Nánari lýsing
Aðalhæð:
Komið er inn í rúmgóða forstofu sem nýlega hefur verið flísalögð. Þar er gólfhiti og góð HTH fataskápainnrétting. Við hol er endurnýjuð gestasnyrting með flísum, upphengdu salerni, handlaug og handklæðaofni.
Eldhús hefur verið endurnýjað með fallegri hvítri HTH innréttingu og kvarts borðplötum. Gott skápa- og vinnupláss er í eldhúsi ásamt tækjaskáp og búrskáp. Tveir innbyggðir ofnar eru í eldhúsi auk innbyggðs ísskáps. Rúmgóð borðstofa er við eldhús.
Stofurnar eru bjartar og rúmgóðar með stórum gluggum og fallegum arni sem setur mikinn svip á rýmið. Útgengt er úr stofum á skjólgóða verönd og afgirta lóð.
Fallegt parket er á aðalhæð og sérsmíðaðar innihurðir.
Efri hæð:
Á efri hæð eru fjögur góð svefnherbergi, þar af rúmgott hjónaherbergi með góðu skápaplássi. Herbergin eru björt með stórum gluggum og parketi á gólfum.
Baðherbergi hefur verið endurnýjað. Gólf og hluti veggja eru flísalögð. Þar er sturtubaðkar með glerþili, upphengt salerni og falleg HTH innrétting með kvarts borðplötu. Gólfhiti er á baðherbergi.
Á stigapalli eru viðrunarsvalir.
Ris:
Í risi er stórt og bjart opið rými með þakgluggum. Rýmið býður upp á fjölbreytta nýtingarmöguleika, t.d. sem vinnuaðstaða, leikherbergi eða herbergi fyrir ungling.
Kjallari:
Í kjallara er stórt herbergi, stórt þvottaherbergi, hol og geymsla. Í þvottaherbergi er góð HTH innrétting með skolvaski.
Bílskúr:
Bílskúr er með rafmagni, hita og rennandi vatni. Bílskúrshurð sem er rafdrifinn hefur verið endurnýjuð og hleðslustöð fyrir rafbíl er við bílskúr.

Lóðin er gróin og skjólgóð með verönd og góðri aðstöðu til útiveru. Eignin er sérlega vel staðsett innst í rólegum botnlanga þar sem umferð er lítil. Stutt er í leik- og grunnskóla auk fjölbreyttrar þjónustu. Þá er stutt í íþrótta- og frístundastarf KR og tónlistarskóla, sem gerir staðsetninguna sérstaklega hentuga fyrir fjölskyldur. Frostaskjól 115 er sérlega rúmgóð og vel skipulögð fjölskyldueign á eftirsóttum stað í Vesturbæ Reykjavíkur.
 
Nánari upplýsingar veita fasteignasalarnir:
Úlfar Þór Davíðsson, löggiltur fasteignasali
s. 788-9030 - ulfar@fastborg.is  
Gunnlaugur Þráinsson, löggiltur fasteignasali.
s. 844 6447 – gunnlaugur@fastborg.is