Eyrargata 46

Hús fasteignasala og Snorri Sigurfinnsson löggiltur fasteignasali kynnir í einkasölu. Laugabúð eða öðru nafni Sjónarhóll, Eyrargötu 46 Eyrarbakka. Sögufrægt verslunarhús á Eyrarbakka frá 1886. Rétt við "Húsið" (1765), sem hýsir Byggðasafn Árnesinga.
Eyrargata 46 var endurbyggð 1998-1999 og færð í það form sem húsið var 1919 sem verslunarhús.

Bókið einkaskoðun hjá fasteignasala.

Nánar um eignina:
Húsið er 74 m2 að stærð skv teikningu, á þremur hæðum. Fyrsta hæð er 37,5 m2, rishæð 13,5 m2 og kjallari 23,0 m2. (kjallari er 21 fm skv fasteignaskrá) Tvö bílastæði eru afmörkuð í deiliskipulagi fyrir framan húsið – lítill, gróinn bakgarður aftan við húsið.  Lóðin er leigulóð frá sveitarfélaginu 117 fm.
Í húsinu er verslunarrými á jarðhæð, eitt herbergi í risi.  Í skúrbyggingu er skrifstofuherbergi, salerni og lítill eldhúskrókur (án eldavélar) og geymsla í kjallara með inngöngu utan frá og úr verslunarrýminu.
Húsið var byggt sem íbúðarhús árið 1886 (1887 í fasteignaskrá) og var einlyft, grindarbyggt timburhús á hlöðnum kjallara með timburklæðningu og bárujárnsþaki. Árið 1896 var þakinu breytt í mansardþak og árið 1897 var byggður skúr norðanvert við húsið. Árið 1919 var húsinu breytt í verslun og settir búðargluggar og dyr á framhliðina. Árið 1950 voru byggð íbúðarrými ofan á og aftan við húsið. Þá voru jafnframt gerðar endurbætur á sökklinum og kjallaranum og hann hlaðinn upp með vikurholsteini.
Á árunum 1998 og 1999 var viðbyggingin frá 1950 rifin niður og húsið fært í það horf sem það var í árið 1919 sem verslunarhús. Þá fóru fram gagngerar endurbætur á húsinu öllu – gert við grind og timburklæðningar á veggjum, þakgrind endurgerð með nýju timbri, allt einangrað að nýju með steinull og húsið allt klætt nýju bárujárni, bæði þak og veggir. Grunnur var styrktur með steinsteypu. Allir gluggar voru einnig endurnýjaðir með tvöföldu gleri í búðargluggum en einföldu gleri í öðrum gluggum. Raflögn var öll endurnýjuð og lagðar nýjar hita- og vatnslagnir um húsið.
Húsið var allt síðast málað að utan árið 2018.

Fjölbreyttir notkunarmöguleikar. Eyrargata 46 stendur á svokölluðu miðsvæði á Eyrarbakka (skv. deiliskipulagi) þar sem eru m.a. íbúðarhús allt í kringum húsið og atvinnurekstur og Byggðasafn í næsta nágrenni.

Nánari upplýsingar veitir Snorri Sigurfinnsson, löggiltur fasteignasali, snorri@husfasteign.is s. 8648090
Bókið einkaskoðun.

Gjöld sem kaupandi þarf að standa straum að vegna kaupanna.

1. Stimpilgjöld af kaupsamningi - 0,8 % af heildarfasteignamati og 1,6% fyrir lögaðila.
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 3800 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu.

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill HÚS fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.