Langholtsvegur 43-47

Höfum tekið í sölu húsnæði Ljóssins við Langholtsveg 43-47. Um er að ræða þrjú húsnúmer. 
Langholtsvegur 43, er sögufrægt hús sem hýsti Landsbankann á Langholtsvegi áður fyrr. Húsið er þrjár hæðir og var meira og minna tekið í gegn árin 2017-2018. Húnæðið sem er 603,4 fm, skiptist eins og fyrr segir í þrjár hæðir og er lyfta í húsinu. Jarðhæðin: skiptist í matsal, skrifstofur og geymslur, auk þess að byggt hefur verið við það garðskáli sem er ca. 30 fm og tengist matsalnum. Úr garðhúsinu er útgengi í lokaðan garð sem er skjólsæll, sólríkur og snýr í suð-austur. Miðhæðin: Þar er aðalinngangur hússins, sem skiptist í móttöku, opið alrými, nokkuð stórt fjölnotaherbergi og rúmgott baðherbergi og stiga niður á jarðhæð.  Úr alrýminu er gengið inn í stigahús sem er með lyftu. Efsta hæðin: skiptist í stórt fjölnotarými, fjögur viðtals- og vinnuherbergi, þrjú skrifstofurými og tvær snyrtingar með sturtu.
Langholtsvegur 47, húsið sem þar stóð var rifið og grunnurinn fyltur og á lóðinna var flutt 242,7 fm timburhús. Húsið var flutt á staðinn í þremur einingum og er möguleiki á að flytja það annað. En húsið er í dag notað sem líkamsræktarhús og því til viðbótar eru í því þrjár skrifstofur og tvö rúmgóð baðherbergi með sturtum.  Húsið hvílir á hellum og síðan hefur verið byggður pallur að hluta í kringum það, en í dag eru á pallinum tveir skrifstofugámar, sem verða fjarlægðir.  Húsnæðið er bjart og virðist í nokkuð góðu ástandi enda var það mikið lagfært þegar það var flutt á staðinn árið 2020.
Langholtsvegur 45, er í dag bílastæði fyrir húsin og eru þar í dag 18- sérstæði. Lóðirnar við Langholtsveg 43 og 45 voru svo sameinaðar þegar Langholtsvegur 43 var stækkaður með viðbyggingu 2017, en þá var steypt upp nýtt stigahús með lyftu og byggt að hluta við þriðju hæð húsins. Á sama tíma var húsið mikið lagfært með nýjum gluggum að hluta og mikið tekið í gegn að innan.

Þessar þrjár húseignir sem nú eru seldar saman búa yfir ýmsum tækifærum, gert er ráð fyrir að húseignirnar verði lausar fyrir nýja eigendur á haustmánuðum.

Allar frekari uppl. um húseignirnar veitir Heiðar Friðjónsson lögg. fasteignasali í s. 693 3356 eða á netfangið heidar@valholl.is.

Óskað er eftir tilboðum í húseignirnar.