Þórsgata 25

ÞÓRSGATA 25, 101 REYKJAVÍK

LIND fasteignasala og Helga Pálsdóttir, löggiltur fasteignasali, kynna bjarta, hlýlega og einstaklega vel skipulagða 99 m², 5 herbergja fjölskylduíbúð á 2. hæð við Þórsgötu 25, 101 Reykjavík, efst í Þingholtunum.

Eignin skiptist meðal annars í þrjú svefnherbergi, tvær samliggjandi stofur, eldhús, baðherbergi, svalir með útsýni að Hallgrímskirkju, sérgeymslu í kjallara og aðgang að sameiginlegum garði.
Íbúðin hefur verið töluvert endurnýjuð á smekklegan hátt á síðustu árum, en jafnframt hefur verið lögð áhersla á að varðveita fallegar, eldri sérsmíðaðar íslenskar innréttingar og karakter eignarinnar.

Inngangi er deilt með íbúðum á 1., 2. og 3. hæð en kjallari er með sérinngangi. Kjallari og 1. hæð hússins voru byggð árið 1940. Árið 1957 var húsið stækkað og 2. og 3. hæð bætt við.
Þórsgata er róleg vistgata á einstaklega góðum stað í miðborg Reykjavíkur. Húsið hefur verið múrviðgert og málað að utan á síðustu árum. Stigagangur hefur einnig nýlega verið endurnýjaður með nýju teppi og málningu, auk þess sem svalir og svalahurðir hafa verið málaðar.

Nánari lýsing
Forstofa: Rúmgóð og breið forstofa með hvítum fataskápum frá gólfi upp í loft með rennihurðum. Falleg eldri hurð með gleri liggur inn í íbúðina. Vínilparket á gólfi.
Stofa og borðstofa:
Tvær samliggjandi stofur sem mynda í dag bjart og rúmgott alrými. Stórir gluggar til suðurs og austurs hleypa mikilli birtu inn. Opið er fram í forstofu.
Eldhús:
Falleg íslensk U-laga innrétting sem var máluð árið 2026 í hlýjum ólífugrænum tón. Viðarborðplata og hvítar flísar á milli skápa. Bakaraofn undir borði, helluborð og innbyggð uppþvottavél. Opnar hillur eru við eldunarsvæði og góður borðkrókur við glugga. Mynstraðar flísar á gólfi og gluggar á tvo vegu sem hleypa mikilli náttúrulegri birtu inn.
Gangur:
Tengir saman helstu rými íbúðarinnar. Þar er hvítlakkaður skápur frá gólfi upp í loft með rennihurð.
Svefnherbergi I:
Rúmgott og bjart herbergi með skáp á einum vegg. Franskur gluggi gefur herberginu sérstakan sjarma.
Svefnherbergi II:
Bjart herbergi með parketi á gólfi.
Svefnherbergi III:
Bjart herbergi með parketi á gólfi.
Baðherbergi:
Nýlega endurnýjað baðherbergi með walk-in sturtu, upphengdu salerni, innréttingu með skúffu og handlaug ásamt speglaskáp á vegg. Flísar á gólfi og gólfhiti.
Svalir:
Sérsvalir með aðgengi frá sameign og fallegu útsýni að Hallgrímskirkju.
Sérgeymsla:
Sérgeymsla í kjallara er utan skráðra 99 m² eignarinnar og staðsett gegnt þvottaaðstöðu. Einnig fylgir eigninni geymslurými undir stiga í sameign.
Þvottahús:
Sameiginlegt þvottahús í innangengum kjallara.
Garður:
Aðgangur er að sameiginlegum garði við húsið.
Gólfhiti og hitakerfi
Gólfhiti er í öllum helstu rýmum íbúðarinnar. Svefnherbergin eru með hefðbundnum ofnum.
Framkvæmdir síðustu ára
2026: Eldhúsinnrétting máluð í hlýjum ólífugrænum tón og opnum hillum komið fyrir við eldunarsvæði.
2024: Bakaraofn og helluborð endurnýjuð.
2021: Eldhús endurnýjað. Innrétting stækkuð, ný viðarborðplata sett, hitaveituofn fjarlægður og gólfhiti lagður ásamt nýjum flísum.
2021: Baðherbergi endurnýjað með nýrri innréttingu, sturtu, salerni og vaski. Gólfhiti lagður og flísar endurnýjaðar.
2021: Ofnar fjarlægðir úr öðrum rýmum en svefnherbergjum og gólfhiti lagður ásamt nýju gólfefni.
2020: Skipt um gler í svefnherbergjum og baðherbergi. Harðparket lagt á svefnherbergi.
Húsið hefur einnig verið viðgert og málað að utan á síðustu árum. Stigagangur hefur verið endurnýjaður, teppalagður og málaður, auk þess sem svalir og svalahurðir hafa verið málaðar.

Staðsetning
Þórsgata 25 er einstaklega vel staðsett efst í Þingholtunum, á rólegum stað en þó í örstuttu göngufæri við allt það helsta sem miðborg Reykjavíkur hefur upp á að bjóða.
Listasafn Einars Jónssonar og höggmyndagarðurinn eru rétt við húsið og mynda fallegt grænt svæði í næsta nágrenni. Grænaborg leikskóli, Austurbæjarskóli, Sundhöll Reykjavíkur og Landspítalinn eru einnig

í næsta nágrenni.
Örstutt er á Óðinstorg, í verslanir, kaffihús, veitingastaði, listasöfn og aðra þjónustu miðborgarinnar. Tjörnin og Hljómskálagarðurinn eru einnig í stuttri göngufjarlægð.

Samantekt
Um er að ræða einstaklega bjarta, hlýlega og vel skipulagða 99 m² fjölskylduíbúð með þremur svefnherbergjum, rúmgóðum stofum, fallegum eldri sérsmíðuðum innréttingum, sameiginlegum garði og góðu útsýni, á einum eftirsóttasta stað miðborgarinnar.
Eignin hefur verið töluvert endurnýjuð á síðustu árum og sameinar á fallegan hátt karakter eldri byggðar og nútímaleg þægindi.

Allar nánari upplýsingar um eignina veitir Helga Pálsdóttir, löggiltur fasteignasali, í síma 822 2123 eða á helga@fastlind.is.