Engihlíð 10

Eignin er ***SELD*** með hefðbundnum fyrirvörum.

Trausti fasteignasala og Hallgrímur Hólmsteinsson löggiltur fasteignasali kynna Engihlíð 10 í Hlíðunum í einkasölu. Íbúðin hefur öll verið nýlega endurnýjuð á afar smekklegan og fallegan hátt af núverandi eiganda. Húsið sjálft hefur fengið gott viðhald í gegnum tíðina og var nýlega steinað að utan. Íbúðin er vel skipulögð og rúmgóð.

Íbúðin er skráð 88,2 fm hjá HMS og eru geymslur sem fylgja samtals 5,2 fm þar af. Fasteignamat 2026 verður 76.350.000

Hér er virkilega falleg og mikið endurgerð íbúð á ferðinni á besta stað í Hlíðunum í húsi sem hefur fengið gott og reglubundið viðhald. Allar nánari upplýsingar veitir Hallgrímur Hólmsteinsson í síma 896-6020 eða með tölvupósti á hallgrimur@trausti.is

Nánari lýsing eignar:
Gengið er inn í sameiginlegt anddyri með efri hæðinni og þaðan inn í hol/forstofu íbúðarinnar. Það er einungis ein íbúð á hverri hæð. 
Eldhúsið er á vinstri hönd en þar er ný innrétting og öll tæki ný. Bakaraofn með gufustillingu, innbyggður örbylgjuofn, innbyggður ísskápur, innbyggð uppþvottavél og innbyggð þvottavél og þurrkari í sömu vélinni. Stórt span helluborð er í eldhúsinu og er gufugleypir í miðju helluborðinu.
Í rúmgóðu holinu er stór fataskápur sem núverandi eigandi lét breyta þannig að hann félli betur að rýminu. 
Holið, stofa og borðstofa má segja að séu í sameiginlegu opnu rými. Stofan og borðstofan eru bjartar og rúmgóðar. 
Svefnherbergin eru þrjú. Hjónaherbergið er bjart og rúmgott með miklu skápaplássi og útgengi út á stórar vestursvalir.  
Minna barnaherbergið er í dag notað sem vinnustofa en þar er góður fataskápur. 
Stærra barnaherbergið er bjart og rúmgott með parketi á gólfi. 
Baðherbergið er flísalagt í hólf og gólf með stórum sturtuklefa.
Öll gólf íbúðarinnar eru parketlögð með fallegu parket sem lagt er í fiskibeinamynstri en baðherbergið er flísalagt.
Í sameign er sameiginlegt þvottahús og geymslur.
Sér bílastæði við húsið fylgir íbúðinni.
Stór og vel gróinn garður er í sameign. 

Nýtt rafmagn var dregið í lagnir ásamt því að skipt var um alla rofa og tengla, og sett var upp sér rafmagnstafla fyrir eldhúsið árið 2022.
Vatnslagnir og frárennsli úr eldhúsi voru líka endurnýjuð árið 2022.
Allir gluggar eru nýlegir og nýtt gler í flestum
Húsið var steinað að utan 2022.

Hér er mikið endurnýjuð og falleg eign á góðum stað í hinum vinsælu Hlíðum, þaðan sem stutt er í alla þjónustu, skóla og leikskóla. Bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is