Vallanes Múlaþingi

Fasteignamiðstöðin kynnir jörðina Vallanes, Fljótdalshéraði nú sveitarfélagið Múlaþing, 701 Egilsstaðir. Fasteignanúmer F217-5308 / F2507383 og landeignnúmer L157569 / L229107 ásamt öllu því sem eigninni fylgir og fylgja ber.

Til sölu er Móðir Jörð ehf vörumerkið & jörðin Vallanes á Héraði.

Félagið Móðir Jörð ehf í Vallanesi, kt 510510-1000 sem stundar  atvinnustarfsemi á grundvelli lífrænnar ræktunar.   Félagið skapar sjö ársverk í  kornrækt til manneldis, grænmetisrækt, fullvinnslu matvæla og sjálfbærri ferðaþjónustu. Vörumerkið Móðir Jörð er rótgróið á markaði og öll ræktun og framleiðsla er vottuð lífræn síðan 1997. Ferðaþjónusta er vaxandi þáttur í starfseminni með rekstri á grænmetisveitingastað og verslun sem nýtur vinsælda auk þess sem nýlega var bætt við gistirými með áherslu á hönnun og sjálfbæran efnivið en timbur af jörðinni var nýtt við frágang innanhús og utan. Nýlega hefur verið byggð kyndistöð á staðnum sem aflar orku til lýsingar og hitunar með sólarsellum og viðarbrennara. Starfsemi Móður Jarðar í Vallanesi hefur hlotið ýmsar viðurkenningar í gegnum tíðina á sviði ræktunar og landbúnaðar, vöruþróunar og nýsköpunar.   

Helstu eignir Móður Jarðar eru:
-              Asparhúsið – timburhús byggt 2016, teiknað af Albínu Thordarson
-              Gróðurhús (4),  samtals: 719 m3 -  þar af eru  þrjú nýlega klædd polycarbonate plötum til einangrunar og í þau er lögð hitaveita frá kyndistöðinni. 
Einnig landbúnaðarvélar og jarðræktartæki til akuryrkju, vélar og tæki til matvælavinnslu.  Vörumerki, umbúðir, hráefni, rekstur og viðskiptavild.
 
Jörðin Vallanes á Héraði – eigandi Vallanesbýlið ehf, kt 440619-0100
Vallanes á Fljótsdalshéraði þykir meðal bestu jarðræktarbýla landsins enda hefur þar verið lagður grunnur að öflugri kornrækt  til áratuga með markvissri ræktun skjólbelta sem nú telja um 10 km. Vallanes er kirkjujörð, staðsett sunnan þéttbýlis á Egilsstöðum eða í um 17 km fjarðlægð. Jörðin er í heild sinni aðlaðandi og falleg með miklu víðsýni og glæsilegri fjallasýn. Hún er á góðu búsetusvæði og samgöngulega séð vel sett. Jörðina Vallanes má telja til eftirsóknarverðari jarða á markaði og eigulega. Land jarðarinnar er allt á láglendi og er stærð jarðarinnar um 440 hektarar. Landið liggur milli Grimsár í austri og Lagarfljóts í vestri og er nokkur veiði tilheyrandi jörðinni. Að nokkuð stórum hluta er land jarðarinnar þurrlendir valllendismóar með um tveggja metra jarðvegsdýpt niður á malarbotn með grunnvatni. Jaðvegurinn er mold blönduð eldfjallavikri, afar frjósamt og gott ræktunarland.  Stærð ræktaðs lands eru 70 hektarar, sem eru kornakrar og útiræktunarland grænmetis. Ræktunarlandið er kýft milli skurða til að losna við yfirborðsvatn. Ræktunarlandið er hólfað niður og umlukið háum og gróskumiklum skjólbeltum sem bæta skilyrði til ræktunar,  gefa skjól og auka uppskeru. 
Öll ræktun á jörðinni er lífrænt vottuð framleiðsla, sem seld er á markaõi að stórum hluta sem unnin vara til manneldis undir vörumerkinu „Móðir jörð" og er orðið mjög þekkt vörumerki. Góð aðstaða er á jörðinni til slíkrar frum- og fullvinnslu, s.s. allur tækjabúnaður til kornræktar, þurrkunar og vinnslu korns, aðstaða til pökkunar, kælir, frystir og eldhús með öllum búnaði. Á jörðinni hefur verið stunduð þróttmikil skógrækt á um 200 ha lands með góðum árangri. Skógræktin er  nú þegar a farin að skila arði með sölu jólatrjáa og grisjun skóglendis, sem m.a. hefur skapað möguleika fyrir fjarveitu með kurli og einnig til vinnslu borðviðar og viðarorku. Skógurinn gerir jörðina afar hlýlega og nokkuð sérstaka. Trjávöxtur á klapparholtum á vestur hluta jarðarinnar og að Lagarfljóti, skapar fagurt og verðmætt svæði. Með nýlegri uppbyggingu á húsakosti í hjarta býlisins er lagður grunnur að tækifærum til frekari vaxtar á sviði ferðaþjónustu s.s. gistirými með mikla sérstöðu og þjónustu því tengt. Einnig eru möguleikar á að auka við ræktarland. 

Helstu fasteignir á jörðinni Vallanesi:
Kornhlaða – stálgrindarhús á steyptum veggjum byggt 1983 - 651 fm
Pökkunar/framleiðsluhús byggt 1993 -  90,7 fm  
Starfsmannahús byggt 2008 -  8 herbergi  - 148 fm 
Gistihús/starfsmannahús byggt 1979 – 25 fm
Gistihús /framleiðsluhús byggt 1950 en nýuppgert/endurbyggt 2024- 330 fm 
Gistihús/sumarhús byggt 2017 – 28,4 fm
Íbúðarhús byggt 1938 – 5 herb - 168fm 

Staðsetning Vallanes á korti

Ítarefni:  
Vefsíða:  www.modirjord.is
Instagram:  modir_jord
Facebook: www.facebook.com/modirjord.is
Youtube:  Skógargleðin í Vallanesi 2022 


Tilvísunarnúmer 10-2801 / 30-5204

Nánari upplýsingar á skrifstofu Fasteignamiðstöðvarinnar, Hlíðarsmára 17 201 Kópavogi - sími: 550 3000
tölvupóstfang:  fasteignamidstodin@fasteignamidstodin.is  / leiga@fasteignamidstodin.is
Sjá einnig: fasteignamidstodin.is / jardir.is / fasteignir.is / mbl.is/fasteignir
Eftir lokun skiptiborðs:
Magnús Leópoldsson lögg. fasteignasali sími: 550 3000 og 892 6000 - tölvupóstfang magnus@fasteignamidstodin.is
Guðrún Olsen síma 550 3000 - tölvupóstfang gudrun@fasteignamidstodin.is            
María Magnúsdóttir lögfræðingur gsm: 899 5600 - tölvupóstfang maria@fasteignamidstodin.is
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0,0 - 1,8% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár,
til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta
fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.