Hallgerðargata 3

Valborg ehf kynnir Fallega og vandaða 2ja herbergja íbúð, samtals 58 ferm. á 1. hæð með gólfhita og aðgengi að bílastæði í bílastæðahúsi í þessu glæsilega húsi "STUÐLABORG" við Hallgerðargötu 3 við Kirkjusand í Reykjavík, steinsnar frá miðborg Reykjavíkur og nálægð við Laugardalinn.
Opið hús verður í eigninni sunnudaginn 25. jan kl. 13:00-13:30

Nánari upplýsingar veitir Elvar Guðjónsson viðskfr. og lögg fasteignasali, í síma 8954000, tölvupóstur elvar@valborgfs.is

Harðparket er á allri íbúðinni fyrir utan baðherbergi, en þar eru flísar. Innréttingar og tæki eru af viðurkenndum og vönduðum gerðum.  Borðplötur innréttinga eru úr kvartsteini. Gólfhitakerfi er í öllum íbúðum og njóta gólfsíðir gluggar íbúðarinnar sín þannig eins og best verður á kosið.  Öll rými eru að fullu loftræst.  Alls eru bílastæði fyrir rúmlega 1000 bifreiðar í vönduðu bílastæðahúsi undir svæðinu, Þar sem bílastæði fylgir til afnota með hverri íbúð gegn vægu rekstrargjaldi. Auðvelt aðgengi er að rafhleðslustöðvum. Innbyggð uppþvottavél og ísskápur er í eldhúsinnréttingu. Tengingar fyrir þvottavél og þurrkara eru á baðherbergi.
 Íbúðin er að fullu loftræst inn og út og þarf því ekki að opna glugga til að fá ferskt loft inn. Loftræstingin tryggir betri loftgæði og er góð vörn gegn raka og ryki. Hljóðvist í húsinu er í hávegum höfð hvort sem um er að ræða hljóð utan eða á milli íbúða hússins. Uppbygging útveggja og þaks sem og hljóðeinangrun glugga er eins og best verður á kosið að teknu tilliti til hljóðvistar.

Eignin er hluti af Stuðlaborg sem er 77 íbúða bygging í 5 stigagöngum glæsilega hönnuð af hinni þekktu dönsku arkitektastofu Schmidt/Hammer/Lassen í samstarfi við VA arkitekta. Mikið er lagt í vandaðar innréttingar og má nefna að allar innréttingar íbúðar eru stílhreinar og sérlega glæsilegar með innfræstu gripi og stein á borðum bæði eldhúss og baðherbergis. Innihurðir íbúðar eru vandaðar, gereftalausar og sérlega fallegar. 

Eignin Hallgerðargata 3 er skráð sem hér segir hjá FMR: Eign 250-6156, birt stærð 57.8 fm, ásamt öllu því sem eigninni fylgir, þar með talið tilheyrandi lóðar og sameignarréttindi.

Frábær staðsetning þar sem stutt er í alla helstu þjónustu, má nefna Laugardalslaugina, verslanir við Laugalæk, kaffihús, Gallery Port og vinsælar göngu- og hjólaleiðir.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.  Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.100,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.