Strandarvegur 21

Verbúð, gistiheimili, íbúð og skrifstofa, ástamt aðstöðu á lóð með meiru. 

Um er að ræða tvö hús með gistingu, á tveimur hæðum með meiru. Samkvæmt FMR er aðal húsið 288,0 fm nettó og hitt er 215,0 fm, bæði byggð árið1962. Helmikil athafnalóð og bryggja fyrir hafskip fylgir með. Heildarnettó fm eru þá 553,4 fm. 

Húsin er byggð úr steinsteypu, einangruð og klædd að utan með bárujárni. Gott aðgengi er að húsinu, næg bílastæði og gott pláss á steinsteyptri lóð. Framhald af lóðinni er 605 fm gömul hafskipsbryggja. Steinsteypt þró um 20,4 fm í bryggjunni.
Húsið hafa hlotið ágætis viðhald undanfarin ár eða voru gerð upp sem gisti- og hótelaðstaða með tilheyrandi aðstöðu fyrir nokkrum árum. Deiliskipulag á þessu svæði er fyrir athafnasvæði. 

Nánari lýsing eignar
Ytra hús: „Verbúð, íbúð / skrifstofa“
Um er að ræða 215,6 fm. 6 herbergi á neðri hæð. Þar eru tvenn böð ásamt snyrtingu, margt endurnýjað með góðum frágangi. Þar er einnig kyndiklefi.

Á efri hæð eru tvær íbúðir með sérinngangi skráð sem skrifstofa. Önnur er stúdíóíbúð með baði og herbergi, með þremur einstaklingsrúmum.
Hin íbúðin: Gengið inn í sérinngang að ofan, þar eru rúmgóð stofa og borðstofa, þrjú herbergi með þrjú rúm, tvöfalt rúm í einu þeirra og annað herbergi með tvö rúm. Bað og eldhús. Þarna er mjög gott útsýni yfir sjóinn.
Öll rúm fylgja með. Auk þess er geymsla á lóð í sérbyggingu.

Aðkoman er snyrtileg og auðveld. Húsin eru staðsett niður við sjó við bryggju, utar í þorpinu og er í þokkalegu göngufæri við alla þjónustu í bænum. 
Góð bílastæði og opið rými við húsin sem gefur fallegt útsýni út og inn fjörðinn.

Innra hús 288 fm. „Verbúð“ gistiheimli.
Á fyrstu hæð er gengi inn sérinngang að framan. Þar er komið inn í forstofu og þar inn af er borðsalur og stofa sem opnast í einu rými, með viðarparketi á gólfi. Eldhús er opið með hvítri innréttingu. Ísskápur og uppþvottavél fylgja með. Góðir gluggar sem gefa mikla birtu. Inn af er búr og geymsla. Tvö starfsmannaherbergi eru með baði og þvottahús þar við hlið.

Sérinngangur er í innri enda hússins. Þar er „móttaka“, með snyrtingu og geymslu. Þar er farið inn í matsal fyrir fyrir um 20 manns með sér eldhúsi. Einnig er setustofa inn af. 
Á annarri hæðinni eru sjö herbergi, með baði. Eitt af þeim er 3ja manna og hin eru 2ja manna. Viðarparket á gangi og viðarstigi upp.
Samtals eru 9 herbergi með starfsmannaherbergjum í húsinu. 

Gott skipulag er í húsunum og auðvelt er að þrífa þau. Húsin eru hagstæð í rekstri og viðhaldi. 
Á lóðinni eru steinsteypt athafna- og útivistalóð, sem nýtist sem „viðbót“ við húsið, sem eykur notagildi heildarinnar. Hægt er að byggja á milli húsanna „kaffibar“ sem er mjög viðeigandi hluti af þessari heild. Í dag er þar „útiaðstaða“ fyrir grillaðstöðu, borð og stóla. Einnig er nægt geymslurými og svo er gott þvottahús með tækjum.

Nálægð er við sjóinn og pollinn sem gerir húsin mjög spennandi. Þegar setið er í stofunni er hægt að horfa yfir fjörðinn og á byggðina með mannlífi, náttúru og veðursæld.
Rekstur er í húsunum á vegum eigandans sem verbúð, fyrir starfmenn og vinnuaðstöðu. Húsin eru ein af nokkrum byggingum á Seyðisfirði sem hafa verið endurgerðar upp. 
Lóðin er samtals 5.390 fm, sem er snyrtileg. Innri hluti hennar er athafnasvæði, trébryggja meðfram sjónum. Hún er í eigu seljanda. Húsin eru á flóðasvæði c- sem þýðir að búseta í þeim er háð rýmingaráætlun veðurstofunnar, eins og víða á Seyðisfirði.